جتني تشكّى من عنـا الدهـر فيهـــــــــا جتني تقول جروحهـــــــــــا ألوان وأشكال
جتني وأنا قلبـي حزيـن عليهــــــــــــــــا
جتني وأشوف بعينهــــــــــا كـل غربــــال
قامت تلعثـم واختلـط مـع حكيهـــــــــــــا
نغمة حزن أضفت على الصوت مــــــــوّال
ظلم الدهر(شـنّ)المعـارك عليهـــــــــــا
كن البنية مهـرة ٍ والظلـم خيّـــــــــــــــال
لحظـة تأمّـل وقفتـنـي بين ايديـهــــــــــا
(ضمّيتها)وقامت تشاهق كالأطفـــــــــال
(عانقتهـا)ودموعـهـا تنتشيـهــــــــــــــا
وفتحت أنا قلبي لجل تشكـي الحـــــــال
فجأة لقيـت العيـن تنظـر إليهـــــــــــــــا
شاهدت أنا منظر يليّـن لـه جبــــــــــــال
شفـت الغـراق بعينهـا يحتويـهــــــــــــا
شفت الكحل أختلط مع دموعها وســـال
فزّيـت أنا فـزّت شجـاع ٍ يبيهــــــــــــــــا
حبي لهـــــــا(قد كـان يبقــــــى ولازال)
هاتـي همومـك حمّلينـي أبيـهــــــــــا
أبغـى أشيـل الهـم والهـم ينشــــــــال
أبغـى أكـون بدنيـتـك مهتويـهـــــــــــــا
هاتي يدينك وانسـي القيـل والقـــــال
إنتي حياتي .. لا .. حياتـي مابيهـــــــا
إلا و إنتي بوسطها في كـل الأحــــوال
يابنـت هاتـي دمعتـك أحتريـهـــــــــــا
أستغفـــر الله دمعتــــك(للوضـو)أزلال
وان كان قصـدك دنيتـك اتركيهـــــــــــا
خليني اسرح في سما الحب واختـال
يالله تعالـي وبسمـتـك افرديهـــــــــا
إمـا نفعتـك وإلا مانيـب رجــــــــــــال
وكـل الهمـوم السابقـه أنكريـهـــــــا
واعترفي بشي ٍ وحيـد ٍ لـك لحــــال
بمسح دموع ضيقتـك ارفعيهـــــــــا
وجازي ليال الظلم والظلـم بإهمــال
والله تـرا الدنيـا حقيـره وفيـهــــــــا
فيها الكريم وبسطهـا كـل الأنـــذال
حطيت أنا يـدّي بممسـك يديهـــــا
وأبحرت أنا والغاليه ببحـور الآمــــال
رحنـا لديـره وردهـا مستضيهـــــــا
وعشنا حيـاة الحـب أيـام وليــــــال
الأحد سبتمبر 28, 2008 10:29 am
