دنيا العاشقين <قصة رووووووووووعه صدقوني لازم تقرونها

شوق كالعاده تتسوق وبشار راح معاها....هبه مع مازن في محل للعطورات وريناد جالسه مع محمد بالكوفي شوب...

ريناد: وناسه الجو هنا
محمد: معاك حق بس زحمه
ريناد: أي كثير
محمد: كنتي تحبين تتسوقين مع شوق...ليه رفضتي تروحين معاها
ريناد: تبي الصراحه..بشار في البيت وصاني حتى يروح هو وياها
محمد: شوف الدب اتاريه مو هين...
ريناد: هههههه خليهم ..كلها كم شهر ويخطبون لبعض صح؟
محمد: أي ابوي قال اذا خلص بشار جامعه وباقي عليه 4 شهور تقريبا...
ريناد: حلو

ـــــ: محمد معقوله
لف محمد لمصدر الصوت....كان بدر واحد من اصحابه في الجامعه...
محمد: هلا والله
بدر: هلا فيك شلونك محمد
محمد: بخير وانت اخبارك...
بدر: والله تمام ايش هالصدفه الحلوه
محمد: تسلم والله....ماتوقعت اشوفك
حول بدر نظره الى ريناد ووقف يطالعها ..محمد ماحب نظراته
محمد: ريناد لحظه وبرجع لك..مازن وهبه الحين يرجعون لك
ريناد: طيب
راح مع صاحبه شوي بعيد ...
بدر: عسى ماجيت بوقت مو مناسب
محمد: لاعادي شدعوه..
بدر: جاي مع الاهل؟
محمد: أي والله
بدر: هذي اختك؟
محمد بنفاذ صبر: بنت عمي
بدر وهو يغمز: ها من ورانا محمد
محمد: لايروح فكرك بعيد مثل اختي بالضبط
بدر: لاامزح وياك ....

اما ريناد كانت خايفه من نظرات الشباب لها..هذا يمر يطالع الثاني يبتسم ..الثالث يرمي كم كلمه حلوه...
لكن في شباب لما شافوها لوحدها ..حاولوا يقربوا ويجلسوا معاها...قبل مايوصلوا قامت...
اول شئ سوته دقت لاحمد بدون أي تفكير....خاصه انها لما قامت ماتركوها وجاوا وراها
مازن: هلا حبيبتي هلا وغلا
ريناد: احمد انت وينك؟
مازن: بالسيف الحين وانتي؟
ريناد: وانا بعد
مازن: شفيك؟ صوتك مو طبيعي صاير شئ؟
ريناد: احمد في شباب يلاحقوني ....شسوي؟ ويحاولوا يكلموني
لفت تتأكد وشافت واحد منهم يطلع ورقه ويكتب الرقم...والثاني غمز لها
مازن: شلووون؟ طيب وين اهلك
ريناد: تركوني ..انا لوحدي امشي الحين وهم وراي...شسوي؟
مازن: انتي وين بالضبط؟
رفعت راسها .قرأت اسمه......
ريناد: كلير ...
مازن: اعرفه...5 دقايق وانا عندك
ريناد: احمد
مازن: هلا
ريناد: خايفه منهم
مازن: حياتي انا معاك لاتخافين جاي لك باي
ريناد: باي

صح كانت خايفه منهم بس خوفها الاكبر من مواجهه حبيبها احمد وللمره الاولى .....وكيف لو اهلها شافوه..
ياربي مني ليه قلت له ....خبله...لا وقايله له بعد خلينا عالماسنجر...اووف وين شوق تنفذني من اللي انا فيه وتتلاحق على جنوني اللي بيوديني في داهيه يارب عوونك ...
كانوا يحومون حولها....طلع مازن بسرعه من المحل اللي هو فيه بعد ماترك هبه....
وراح للمحل وشاف مجموعه شباب...وهي عاطيته ظهرها.....ابتسم يوم شافها...
ليه مو دايره حتى اشوف وجهها....لكن اول شئ خليني اوقفهم عند حدهم......
__________________

تقرب منهم مازن وهو كله لهفه لشوف حبيبته الجوهره....

مازن: الجوهره..

لفت عليه بسرعه وهي مبتسمه بارتباك....وتحولت الابتسامه في ظرف اقل من الثانيه الى صدمــه

انرسمت على ملامحها...حطت يدها على فمها بذهول..هو حالته يمكن اعظم منها....

الشباب راحوا لما شافوه ...الاثنين عيونهم معلقه في بعض...كسرت هالموقف دمعه سريعه نزلت على خدها

لما شافها حس ان الارض تتزلزل تحت رجله مو قادر يتماسك اكثر ..بختصار الصدمه كانت عنيفه...

ريناد: احمد.....انت؟

مازن: انتي الجوهره.....لا مو انتي مستحيل

ريناد: انت حقير كيف تلعب بمشاعري

مازن: العب عليك؟ مستحيل انتي الجوهره....مايصير كيف ماعرفتك

ريناد وهي تصيح بهستيريه: كذاب ...نذل

بعدها ماحست باللي صار لانها طاحت بين يدينه...

دق على طول على محمد وبشار لما جاوا لعنده استغربوا ليش اغمي عليها..وليش مازن الوحيد اللي معاها



.......................



كان اكثر واحد باينه عليه الحيره وطيف دمعه بعينه..للحين مو مستوعب انه كان يحب ريناد اللي هي الجوهره...



بشار: مازن ايش صار؟

مازن: ماصار شئ بشار تطمن

بشار: انت كنت معاها مازن تكفى قولي كيف طاحت كذا بدون سبب

مازن وهو يلف: حالي حالك مادري بشئ

كانت هبه تطالعه مستغربه..كان معي بالمحل رن جواله طلع بسرعه وتركني...10 دقايق اطلع من المحل ادور عليه..اتفاجأ انه واقف عند ريناد وهي طايحه والحيره بعينه....ياربي ايش اللي يصير والله مو فاهمه شئ....



كان بشار ومحمد ومعاهم شوق جنبها ويحاولوا يصحوها ويحطوا ماي بارد على وجهها...

قامت واثر الدموع على خدها...حست بغشاوه والم براسها..غمضت عينها وتضاربت الاحداث سريعه في مخيلتها...من اول يوم في المدرسه...تذكرت ورود وتهديدها انها تترك مازن....ايه مازن....

فتحت عينها طالعته وكانها اول مره تشوفه من بعد الحادث...ضغطت على راسها بقوه ...ذاكرتي رجعت لي ...

ريناد وهي تبكي وتمسك يد بشار: بشار....ذاكرتي..رجعت لي

بشار بفرح: ريناد حبيبتي تذكرتي كل شئ؟

شوق: جد ريناد؟

محمد: واخيرا مابغيتي ياريناد

نزلت راسها وزادت دموعها...ترك يدها ورفع راسها....

بشار: ريناد شفيك....المفروض تكوني فرحانه..

ريناد : ابي ارجع البيت

تقربت منها شوق وحضنتها....حست ان فيها شئ

شوق: ريناد صار شئ؟

ريناد: بعدين ياشوق ابي الحين ارجع

محمد: يلا نرجع دامها تبي ترجع....

قامت ويدها على راسها...لمحت مازن وهو يطالعها طالعته بنظرات كلها الم وعذاب ونزلت راسها وراحت مع محمد على اساس ماتبي تكون معاه بسياره وحده

بشار: ليش ياريناد تعالي معاي

محمد: خليها براحتها

ريناد: تكفى بشار باروح مع محمد

شوق: خلاص بشار احنا نرجعها البيت

بشار: براحتكم خلاص....



....................



لما وصلوا البيت كانت وراه لين وصل غرفته تبي تعرف اللي صار له ولريناد هناك...

هبه: مازن اكلمك جاوبني

مازن: خير؟ تبين شئ

هبه: فهمني ايش اللي يصير

مازن: ولاشئ...بعدين حاجه ماتخصك تتدخلين فيها ليش

هبه: امممم شكلها السالفه مو هينه..حمستني اعرف

مازن: هبه مو رايق لك اطلعي بره

هبه: مزون حبيبي قوول

مازن بعصبيه: استغفر الله العظيم انت ماتفهمين خلاص روحي غرفتك واتركيني لهمي

بعدت عنه يوم شافته معصب صدق...وراحت غرفته..همي؟ أي هم بعد وايش دخل ريناد بالسالفه طيب؟؟

رن بهالوقت جوالها....ورود؟؟؟؟؟؟ غريييبه

هبه: نعم؟

ورود: هلا وغلا

هبه: لاهلا ولا مسهلا ايش تبين داقه؟

ورود: افا ياهبه مو انا صديقتك وطبيعي اكلمك

هبه: صداقه بعينك ليش انت تعرفين معنى الصداقه..وبعدين انسي وحده اسمها هبه

ورود: اخر كلام؟

هبه: أي ويلا فارقيني بريحه طيبه ولاتدقين علي مره ثانيه

سكرت ورود على طول وهي تضحك....ياحليلك ياهبه وانت معصبه لكن انا باوريك من تكون ورود حتى تعرفين ترفعين صوتك عليها والله ياهبه بتندمين وبتشوفين ...



.......................

دخلت ريناد غرفتها...رجعت تشوفها بعين ريناد الاوليه تلمست كل انحاء واركان الغرفه...لين مرت على اللاب توب....كشرت..اكرهك..رفعته ورمته بكل قوتها عاالارض لين صار قطع صغيره....مسكت راسها وهي تبكي ...مااصدق اني انخدعت بهاالسهوله...لهالدرجه طلعت ساذجه؟؟ يكذب علي من شهور وانا اصدق حب وخرابيط لين حبيته وصدقته..واخر شئ يطلع مين..مازن ماغيره ..

رمت نفسها عالسرير وحطت راسها عالمخده وهي تحس انه بينفجر من الالم اللي فيه...بيودها تنفض هالذكرى والافكار من راسها...

تذكرت كل شئ صار بينها وبينه..ضحكهم..نظراتهم المجهوله لبعض وراها الف معنى ومعنى....رن جوالها مسحت دموعها على طول وكان هو المتصل عطته مشغول على طول...

ليه متصل بعد يكمل علي..رسل لها مسج



(( ارجوك ريناد ارفعيه..لازم نتفاهم))



هذا ايش يبي مني اكثر ..حب وحبيته..وصنته وبعدين يرميني ...حرام عليك يامازن كسرت قلبي بدون رحمه والله حرام ..

دق الباب عليها مسحت دموعها على طول

ماهر: ريناد افتحي الباب

ريناد: اممم ماهر لحظه بس انتظر

ماهر: انا تحت تعالي ابيك مو تتأخرين

ريناد: اوكي

قامت غسلت وجهها وحطت كريم وفكت شعرها ..حتى يطلع شكلها طبيعي وماحد يحس انها كانت تبكي ونزلت

كان ماهر جالس مع بشار وحور معاهم....

جلست مقابل حور وافتعلت ابتسامه بصعوبه....

حور: والحين بتصارخين علي مثل قبل

توسعت ابتسامه ريناد...وقامت لحور ورمت نفسها بحضنها....

ماهر : احم وانا مالي في الطيب نصيب

ريناد: هههههههههه

قامت وحضنت اخوها وحبته على راسه

بشار: وانا رينادووه ترى بابكي مثل الحريم

ماهر: مو ناقصينك يالدب

بشار وهو يقلد الحريم: حرام ترى ازعل واصيح

حور: هههههههههههههههههه ازعل محد بيراضيك

بشار: زوجتي تراضيني

ماهر: لاتستعجل على الهم وانا اخوك

طالعته حور بنص عين وضربته بخفه على رجله

ماهر: اييييييي

حور: تستاهل

ماهر: ههههه المهم ايش كنت باقولكم...انا المغرب كلمت عمي واقترحت عليه فكره ان بكره نسوي عزيمه علشان الوالد شرايكم؟

ريناد: الراي رايكم

حور: أي عمي يستاهل والله

بشار فكره حلوه

ماهر: خلاص حور كلمي خالتك ام مازن وقولي لها

حست بغصه وعلى طول لفت الناحيه الثانيه ...اووف لازم بيجي ويمكن بعد اشوفه....اكرهه ماابي اشوفه طول حياتي ...قامت قبل ماتخونها دموعها

ريناد: يلا انا باروح ارتاح تعبانه شوي..تصبحوا على خير

الكل: وانت من اهله

صحى وطالع حوله مفزوع..حلم ولا علم اللي صار...فرك عينه وتذكر كل اللي صار امس ..اخ ياليته كان حلم
نزل الصاله وكانت امه تتكلم في التلفون اشرت له بيدها حتى يجلس جنبها...
ام مازن: هههههه لا اكيد....طبعا..متى بتروحون؟....خلاص الساعه وحده زين...ان شاء الله...ماراح نتأخر سلمي على العيال وابو محمد...فمان الله
مازن: ايش فيها خالتي؟
ام مازن: مسويين عزيمه في بيت ابو ماهر
سكت ونزل راسه....ريناد لامفر منك....
ام مازن: يمه مازن شفيهم عيونك حمر...مانمت؟
مازن: نمت ساعه وحده بس
ام مازن: ليش يمه كذا..فيك شئ؟
مازن: لايمه بس تعبان
ام مازن وهي تقوم: اجيب لك اسبرين
مازن: أي ياليت يمه راسي منفجر
بعد ماجابته وشرب الدواء....
ام مازن: ودينا بعد ساعه طيب؟
مازن: خلاص اوكي اوديكم وبرجع
ام مازن: ليش مابتنزل
مازن: يمه عندي شغل مع واحد من الربع..
ام مازن: مو حلوه يامازن لازم تنزل تسلم على ابوماهر اليوم بيطلع
مازن: خلاص امره العصر واسلم عليه
ام مازن: براحتك ياولدي

.....................

وصلت شوق بيت عمها الساعه 12 ونص وصعدت على طول غرفه ريناد ودقت الباب
ريناد وهي تتزين بملل: بشار تعال بعدين
فتحت الباب وطلت براسها
شوق: مو بشار
ريناد: بسيطه مارحنا بعيد خطيبته
شوق وهي تدخل: هههههههه ....الله الله ايش هالزين
ريناد: اعوض عن اللي داخلي....اشغل نفسي بأي شئ
شوق وهي تحط يدها على كتف ريناد: مابتقولين لي اللي صار امس؟
ريناد وهي ترمي الحكل: ماصار شئ
شوق: ليه اجل طحتي غشيانه؟ وايش معنى مازن الوحيد اللي كان معك
ريناد: شوق ماصار شئ
شوق: اكذبي على غيري اووكي
رمت كل المكياج اللي كان عندها ولفت لشوق والدموع لعينها...
ريناد بانفعال: تبين تعرفين؟ طيب تدرين ان احمد طلع مازن الكذاب...كذب علي ومادري من وين اخذ ايميلي على اساس مايعرفني خلاني احبه وبعدين...
ماقدرت تكمل لان شوق حطت يدها على فمها تسكتها وجلست على طرف السرير وهي مو مصدقه اللي تقوله ريناد...
شوق: تمزحين....مايصير
ريناد: ياليت لو كنت امزح
شوق: وكيف عرفتي؟
ريناد: انا اصلا كنت عارفه انه بيروح البحرين قالي قبل مانروح...هناك ضايقوني شباب دقيت له كنت خايفه وقال بيجي لي.....واكتشفت الحقيقه ياشوق...انا انخدعت
شوق: مايسويها مازن
ريناد بسخريه: ههههه سواها وخلص
شوق: انتي صاحيه..ايش تقولين مازن صحيح احيانا مغرور ومفتخر بنفسه لكن قلبه صافي مثل الذهب...مستحيل يأذيك مستحيل
ريناد: اكذبي على نفسك بهالكلام ياشوق ...هذي هي حقيقه مازن ولد خالتك
شوق: باكلمه واتفاهم معاه
ريناد: لا تكلميه
بصراحه كان في سببين للرفض..الاول ماتبي أي حلقه وصل تربطهم من جديد..والثاني...فكره انه يكلم بنت غيرها حتى لو كانت شوق عصبتها...وكرهت نفسها على هاالاحساس....
اوووف لازم انساه اسحبه من دمي...مو اغار عليه
شوق: مو مصدقه اللي قلتيه وكيف عرف ايميلك ...وبعدين كيف ماعرفتي صوته
ريناد: هذا اللي صار ماحسيت بتشابه الاصوات ..لكن لحظه
شوق: شنو؟؟؟
جلست عالسرير وهي تتذكر انها قالت لمحمد وعطته الرقم
ريناد: شووق محمد يدري بالموضوع ويعرف رقمه ....ليش ماقال لي
شوق: كيييييييييييييف ماقالك؟؟
ريناد: والله ماقال لي انا لازم اسأله ماتوقعت محمد يسويها ...ليه ماحذرني ؟ ليه يسكت ..ليييش
دمعت عينها ..وتمنت بهاللحظه الموت....الحل الوحيد حتى تنسى.....
شوق: حبيبتي ريناد هدي بالك..لاتسوين في نفسك كذا
ريناد: كلهم خدعوني حتى محمد اللي كنت اتصوره يخاف علي ويعزني
شوق: ريناد هالكلام مايفيد الحين...في سر بالموضوع..قصه انها لعبه من مازن ماتدخل مخي وبعدين لو شفتي خوفه عليك امس والحيره اللي بعينه ماقلتي هالكلام....
ريناد: ممثل بارع
شوق: روحي زين انا ماراح اسكت عن الموضوع
ريناد: شوق رجاء الموضوع يخصني ويخص مازن ماابي حد يتدخل فيه
شوق: براحتك
تقربت من شوق وحبتها على راسها
ريناد: يؤؤ شوق مااقصد لاتزعلين تحمليني صايره اعصابي مشدوده
شوق: خبله مازعلت منك
ريناد: ههههههههههههه
شوق: يلا كملي مكياجك وخلينا ننزل
ريناد: طيب
__________________

كانت ريناد لابسه بدله عنابيه موديلها هندي....وحاطه لها شدو ابيض وكحل داخل عيونها...وقلوس وردي وطالعه نعوومه وحلوه خاصه ان شعرها تاركته مو مربوط ورا ظهرها.....
نزلت وسلمت عالكل ولما جات تسلم على ام مازن حست بشئ غريب ضغطت على نفسها حتى تطلع الابتسامه طبيعيه...بعدها راحت جلست جنب ام محمد....
ام محمد: ماشاء الله قمر....ياريناد
ريناد: تسلمين خالتي..تصدقين وحشتيني
وحطت راسها بحضن ام محمد
حور: يمه مااتصلت عليكم خلود
ام محمد: محمد يقول كلمها....
ابتسمت هبه من سمعت اسمه واتنهدت.....مادري ايش سوى بالموضوع للحين لاحس ولاخبر....
حور: كلمتني امس
ام محمد: جد؟؟؟ شقالت
حور: بتجي بعد 4 ايام تقريبا
شوق: لاتقوليييييين جد؟
ام محمد: ياه وحشتني بنيتي واخيرا
حور: أي والله وحشتنا
شوق: متى بيوصل عمي
حور: ماهر مع محمد وبشار راحوا يجيبوه ولين الحين ماوصلوا...مادري ليش
الكل كان ينتظر وصول ابوماهر على احر من الجمر لكن ريناد كانت متوتره ومتشوقه اكثر من الكل الى ابوها.....
هبه: اجل ريناد بتجين المدرسه يوم السبت
لفت على هبه مستغربه من سؤالها...وتذكرت كل كلام ورود لها وكرهت المدرسه ماودها تروح
ريناد: اكيد لازم ارجع المدرسه
سمعوا صوت بوابه البيت تنفتح..وسياره تدخل قامت ريناد على طول وطلت من النافذه ..ابتسمت يوم شافت ابوها ينزل وبشار ماسكه من يده يساعده ينزل...
طلعت له بره وركضت لين صارت بحضنه وبكت اكثر من أي مره
ريناد: يبه وحشتني
ابوماهر وهو يمسح على راسها: وانتي اكثر حبيبتي ريناد.....شلونك وشلون راسك الحين
ريناد: بخير يالغالي لاتحاتيني انت شلونك؟
ابوماهر: لاالحمدلله
بشار: يلا لاتوقفيه بره حر ادخلي ...
ريناد: يلا
ودخلوا الصاله....
ابوماهر: السلام عليكم
الكل: وعليكم السلام
ابوماهر: كيف حالكم؟
ام محمد: هلا ابوماهر حياك...الحمدلله عالسلامه
ابوماهر: الله يسلمك ام محمد...شلونك ام مازن؟
ام مازن: الحمدلله...ماتشوف شر يابو ماهر
ابو ماهر: الشر مايجيكم..
حور: تو مانور البيت عمي شلونك؟
ابوماهر: هلا بدلوعه عمها.....انا بخير الحمدلله على كل حال
كانت هبه جالسه بملل....وينه محمد مو معاهم....اووف يعني ماباشوفه اليوم
ام محمد: بشار وينه محمد؟
ابتسمت...ياخالتي تقرين افكاري
بشار: راح يجيب شويه اغراض مع ماهر اقول خالتي وينه مازن؟
ام مازن: يقول مشغول مع ربعه
ريناد في قلبها...احسن ماودي بشوفته احلى خبر سمعته اليوم
ابوماهر: ماعنده سالفه بشار دق عليه خليه يجي يتغدى
اوووف ليش يايبه كذا..ماابيه يجي ماابي اشووفه....
جات بهالوقت الخادمه وطلبت من حور تطلع لماهر ....طلعت له المطبخ الخارجي شافته يدخل الغداء للمطبخ....ابتسمت ودخلت وراه....
حور: الله كل هذا غداء؟؟؟ ماشاء الله
ابوماهر: الوالد يستاهل اكثر ..يلا جربي وقولي رايك
اخذت ملعقه وقامت تتذوق...وهو يطالعها على جنب..فديت حرمتي والله تطيح الطير من السماء
ماهر: حور تدرين انك حلوه
حور: الحين بس عرفت؟ من زمان والله انا حلوه
ماهر وهو يمسك يدها: الا ادري ومذوبتني فيك ليل نهار
حور: جد؟؟؟
ماهر: حور بجد احبك والله
حور: وانا اكثر...
ماهر: شرايك نهرب ونخليهم
حور: هههههههههههههههههه تخيل م
دخلت عليهم شوق وحور على طول سحبت يدها من يد ماهر
شوق: الله الله ياسلااااااااااااااااااام بالمطبخ عاد مكان ابدا مو رومنسي
ماهر: هههههههههههههه مالك شغل انتي
حور: اممم احم شوق تبين شئ؟
شوق: وانتي مسويه فيها خجوووله اقول ابوي يبيك
حور: طيب...

بعد ماطلعت شوق شافت محمد يمشي لوراء البيت ...وقفت مكانها..شفيه ليه رايح هناك..اممم مادري ادخل احسن ....

.........................
رسل لها مسج يقول لها تجي وراء البيت...يبيها بموضوع قامت وراحت له وهي طايره من الفرح....شافته يروح ويرجع ...ويديه الثنتين في جيوب بنطلونه...
هبه: محمد
محمد: هلا هبه شلونك
هبه: بخير الحمدلله وانت
محمد: تمام....امممممم باخذ رايك يموضوع
هبه: قول
محمد: توافقين علي لو خطبتك
ابتسمت ابتسامه عريضه مثل اللي نشوفها بدعايه كرست.....وحست خلاص بتصارخ من الفرح ..
نجحت خطتي هيييييييييييييه يس
هبه: من جدك محمد؟
محمد: موافقه؟
هبه وهي تتغلى: امممم فاجأتني بصراحه محمد
محمد: هبه انا فكرت بكلامك واكتشفت انك الانسانه اللي تناسبني
هبه: اللي تشوفه
محمد ببتسامه: اجل مبروك مقدما
هبه: ومبروك لك

............................
__________________

بعد الغداء تجعوا الحريم بالصاله للمره الثانيه والشباب طلعوا بره الحديقه وجلسوا هناك...وللاسف ماعرفوا بوجود مازن اللي جاء بعد ماحن عليه بشار
شوق: رنوش
ريناد: هلا
شوق: قومي نطلع بره
ريناد: لحظه باجيب عبايتي
شوق: يلا
وهم يمشون ضحك وسوالف ومزح وصلوا عند مكان الجلسه العربيه اللي مسوينها بره....وشافت ريناد اخر شخص تتمنى تشوفه ....
حاولت تتراجع بس شوق مسكتها بقوه من يدها
شوق: خبله انتي لو حس محمد او بشار بشئ
ريناد: خلي محمد يعرف هو اصلا يعرف بس ساكت
شوق: مو وقت عصبيتك يلا نروح
وهم يمشوا حست بنظرات مازن المصوبه تجاهها طنشت ...وجلست مع شوق على جنب
محمد: هلا وغلا
شوق: هلا فيك حمود..تغديتوا؟
محمد: قبلكم يالدبه
لفت شوف لمازن لقته متوتر ومو مرتاح بجلسته.....
شوق: اقول مازن
رفع راسه بدون مايقول شئ
شوق: كيف يعني اقتنعت وجيت؟
مازن وهو يحاول يكون ريلاكس : اممم والله بشار اتصل وحن الا اجي وترك اشغالي وجيت
محمد: تدرون بجد احساس حلو...ريناد رجعت لها ذاكرتها وعمي طلع من المستشفى
بشار: ايه الحمدلله كلوووووووش
محمد: ههههههههههه فضحتنا
شوق: ههههههههههههههههههههه
الكل يضحك الا هو وهي ويسترقوا نظرات لبعض.....حسها متوتره وترجف اكثر مره...حب يريحها ويخلصها من هالموقف
مازن: اقول ريناد
انتفض قلبها من قال اسمها...ولفت عليه بعين حزينه مغلفه بالدموع....
مازن: الله لايهينك اسألي الوالده متى تبي تروح؟
ريناد: اوكي
قامت بسرعه واختفت عنهم....دخلت غرفه الضيوف ورمت نفسها على اول كرسي واجهها....والبروده تسري بكل جسمها....كل هذا تأثير مازن عليها .....عيونه بحر يجري فيه نهر اسود...كيف هاالانسان قدر يهزني بهالطريقه كييف..
خليتني احبك وبعدين هدمت هالحب...ليش ؟ والدنيا مارحمتني بعد تعذبني وانا صابره بس لين متى والله اني تعبت...الام وراحت..الاب والله الوحيد يعلم بحالته...الحبيب وطلع خاين ايش اكثر يالدنيا ...
نزلت دموعها الحايره على خدها....حست بيد على كتفها .....
شوق: ريناد والله حرام عليك ارحمي نفسك
ريناد بصوت متهدج: شوق افهميني احبه ليه عذبني هالعذاب
شوق: وهو يحبك انا متأكده ياريناد
بعدت عن شوق وشالت يدها بكل قسوه
ريناد: أي حب اللي تتكلمي عليه...هذا واحد كذاب مايعرف شئ عن الحب
شوق: اوكي اوكي براحتك بس مو تعصبي هذي نفسك وامسحي دموعك مانبي حد يحس
اخذت شوق منديل ومسحت دموع ريناد وشوي من الكحل اللي سال من عينها وطلعوا بره وكملوا سوالف مع الموجودين........

وبعد ساعتين من الوقت....
شوق: ريناد اووووف ملل هنا قومي نطلع بره...نشم هواء
ريناد: لامافيه...ليه تبين تطلعين ؟
شوق: احسن من هنا بذمتك عاجبتك هالسوالف قومي نجلس عالمسبح
ريناد: لاشوق اخاف اشوفه
شوق: ماراح نمر عليهم بنروح من الجهه الثانيه
ريناد: مافيه
ام مازن: هبه دقي على اخوك خليه يجهز السياره
حور: خالتي بدري خليكم
ام مازن: بدري من عمرك بنروح خلاص ياحور
حور: زورينا عاد لاتقطعي
ام مازن: ان شاء الله
بعد ماسكرت هبه اللي كانت تتكلم بصوت مو مسموع من الفوضه لفت شوق لريناد...
شوق: ها ارتحتي اكيد الحين طلع يشغل السياره يلا قوومي
ريناد: يلا
شوق: يؤؤ لحظه ريناد جوالي خليته فوق
ريناد: روحي جيبيه بسرعه

طلعت هبه مع ام مازن...بعد دقايق طلعت وراهم ريناد الحديقه وهي تغنيوهي مندمجه اخر اندماج باالاغنيــــه وفجأه....
مازن: تصدقين ان صوتك حلو
جمدت مكانها وماتحركت...مازن بعد؟؟؟؟؟صار كابوس يلاحقني وين مااروح مثل ظلي بالضبظ
لفت بشويش وراسها للارض...
شفيني منزله راسي...لازم اكون قويه حتى مايحس اني منكسره قدامه
رفعت راسها بتحدي وحطت عينها بعينه وابتسمت بسخريه
ريناد: انت مارحت؟
مازن: ليه تبيني اروح؟
ريناد: مو على اساس بتوصل امك واختك
مازن: محمد تبرع على اساس عنده مشوار على طريقه يعني
ريناد: ياخساره...ماكنت اتمنى هالشئ
مازن: لهالدرجه مو طايقه وجودي قريب منك
ريناد: أي ماابيك اوكي
مازن بعد فتره صمت:.......ريناد لازم نتكلم
لفت عنه حتى تمشي: مابيننا أي كلام باي
مازن: احلفك بأغلى شئ عن تسمعيني
ريناد وهي تلف له: وليش اسمعك؟ مو كفايه اللي سمعته منك وصدقته وهمتني بحب ماله وجودي وجاي تقول اسمعيني بعد
مازن: ماكنت اعرف ياريناد..
ريناد: مازن العب غيرها....عارفتك زين..بس اللي ماكنت اعرفه انك تطلع..ممثل بارع لهالدرجه
مازن: ريناد حرام عليك شفتي العذاب اللي تحسينه انا احس اضعافه
ريناد: وفر هالكلام لنفسك ارجوك انت في طريق وانا في طريق انساني
مازن: بهالسهوله؟
نزلت راسها وهي تتذكر شئ
ريناد: مازن انت حتى اسمك الحقيقي ماقلته لي ...وتبيني اصدقك بعد؟
مازن: الجوهره..اووه اقصد ريناد....اثنينا بالهوا سوا صح؟
ريناد: انا بنت
مازن: والبنت على راسها ريشه؟ اثنينا كنا نحب بعض
ريناد: انت رجال مافيها شئ
مازن: بس ماكنت بالنسبه لك رجال عادي كنت حبيبك
قال اخر كلمه بصوت اعلى وبتحدي.....
ريناد: حبيبي سابقا الحين ولاشئ
مازن: تحبيني غصبا عنك رضيتي ولا بكيفك
ريناد: تتحداني يعني؟
مازن: مااظن تنسين اللي بيننا بسهوله
دمعت عينها بيأس وجلست على حافه المسبح حست ان قواها كلها انهدت...رفعت عينها تطالعه...حتى انت يامازن احلى شئ بحياتي....طلعت سراب مالك وجود.......
قرب منها.....وجلس على نفس المستوى
مازن: ريناد
ريناد: ــــــــــ
مازن: صدقيني ماكنت ادري...مثل ماانت ماعرفتي صوتي انا ماعرفت صوتك..والله لو تشوفين لهفتي امس لما عرفت انك رايحه البحرين فرحت من الخاطر...وتذكرين قلت لك لو صار لك شئ دقي علي انا موجود..تتوقعين لو كنت اخدعك واكذب عليك باقولك اتصلي فيني حتى اجيك؟ افضح نفسي بنفسي يعني؟

كلامه مقنع بس على مين.....ماابي اكون ساذجه مره ثانيه ويستغل مشاعري مره ثانيه....
ريناد بهدوء: مازن
مازن: نعم
ريناد: ارجوك انساني اطلع من حياتي خلاص وانسى كل اللي صار بيننا
مازن: ريناد...مااقدر نسيتي اني احبك؟
ريناد: مازن ارجوك خلاص كفايه
مازن: ليه قسى قلبك؟ حرام عليك اللي تسوينه
ريناد وهي تلمح شوق اللي رجعت لما شافتهم جالسين سوا : مازن انتهينا الى هنا وبس
مازن: وحبنا؟ ومشاعرنا؟
ريناد:كل شخص يحتفظ بمشاعره لنفسه
مازن: ريناد...احبك
زلزلتها هالكلمه كان ودها تنسى كل اللي صار امس وتقوله وانا احبك اكثر.....بس صعب لفت له وهي تبتسم...
ريناد: هذا مصيرنا العذاب مكتوب لي من صغري...مالنا امل مع بعض...اذكرني بخير مع السلامه
مازن: ريناد
ريناد وهي تمشي: مافي امل...خلاص
كملت طريقها بكبرياء لين وصلت داخل البيت..ولقت محمد موجود
ريناد: محمد انت جيت ؟
محمد: توني بس دخلت وينهم مااشوف حد
ريناد: مادري والله....ابيك بموضوع
محمد: تعالي اجلسي ..
راحت وجلست مقابله.....
ريناد: محمد ليش ماقلت لي حقيقه مازن؟
محمد: عرفتي؟
ريناد: جاوبني
محمد: تذكري يوم عرس خلود ايش قلتي لي؟ لاتتدخل بحياتي الخاصه وهذا انا ماتدخلت وخليتك تعرفين لوحدك
ريناد: انت من جدك ليش؟ على كلمه طلعت مني وانا معصبه....المفروض تقولي الحقيقه
محمد: المهم انك عرفتي وخلاص....ريناد لاتزعلين مني
ريناد: وليش ازعل...الغلط مني يامحمد مو منك...
محمد: مو عيب الانسان يغلط ريناد استفيدي من غلطتك
ريناد: معاك حق...

.....................
__________________

الساعه 6 المغرب حس بالملل وهو جالس صحيح بشار قالب المجلس سوالف وضحك بس اللي داخله اكبر واعظم.... يضحك لهم وبداخله عذاب الدنيا....قام حتى يروح
بشار: ها ابو الشباب على وين
مازن: خلاص باروح
محمد: اقعد زين قال بيروح يادوبها الساعه 6
سكت مازن وهو يطالع محمد..غريب امرك اليوم اخلاقك متعدله على غير العاده يلا دوووم
مازن: لا والله خيرها في غيرها نعسان باروح البيت انام..مانمت امس الا ساعه وحده
بشار: مو منكم يالدب من اللي اخذت عقلك
اه لو تدري يابشار ان اختك هي اللي ماخذه عقلي وقلبي
مازن: تطمن محد...يلا سلم
بشار: يمكن امرك الليل نروح القهوه
مازن: خلاص تم.....فمان الله
ماصدق صار بسياره وشخط على طول وقام يسرع.....
حس انه بدوامه عايشه هو بوسطها كيف يطلع منها؟ هالشئ اللي ماكان يعرفه ..ابتسم بسخريه القدر منه ....
كنت اضحك عاللي يحبون ويسوون قصص حب وشوق ووله واخر شئ اطلع اخس واحد فيهم وحابب مين..ريناد ماغيرها
اخ لكن الغلط مو منها الغلط مني انا لقافتي هي السبب ليه اخذ ذيك الورقه اللي عليها ايميلها واضيفها ليييييش
ايش هااللقافه يامازن....يلا من عاب استعاب مثل مايقولوا واللي صار صار.....
تذكر بشكل سريع كلماتها له اليوم( كذاب) ( كل شخص يحتفظ بمشاعره الى نفسه) ( انتهينا) ( انت بطريق وانا بطريق)...غمض عينه وهو يضغط بيده اليسار على الكرسي....
ريناد اليوم جرحت كبريائي ورفضت حبي بصريح العباره..المشكله مستحيل تفهمني لان اكيد ماراح تفكر اصلا تفهمني ...بس يامازن اللي سمعته منها اليوم كفايه...حاولت استميلها بكل الطرق بس عنيده مو راضيه تسمعني اصلا رافضتني خلاص....بتعب معاها لين افهمها الحقيقه بتعب....الله يعينني..

طيب..ورود...ريناد كيف بتتصرف معاها بيتهاوشوا الثنتين؟؟ أي ليش لا ...وبتتعقد المشكله اكثر
لا....لازم اكلم شوق واقول لها ......

شوق: الو
مازن: اهلين شوق
شوق: هلا مازن اخبارك
مازن: بخير عسى مو مشغوله
شوق: لا شدعوه....
مازن: اسمعيني شوق باقولك شئ
شوق: تفضل
مازن: يوم السبت طبعا ريناد بتداوم
شوق: أي بتداوم في المدرسه
مازن: ماابيكم تحتكون في ورود ولاتكلمونها
شوق: لا ريناد ماراح تسكت انا متأكده من هالشئ
مازن بعصبيه: انا ايش اقول اسمعيني للاخر
شوق: انزين لاتزف
مازن:ورود انا اللي بتفاهم معاها ياويلكم انت وريناد ان قربتوا منها
شوق: وليش ان شاء الله؟
مازن: ياخبله كذا بتزيدوا المشكله تعقيد...مانبي مشاكل اكثر
شوق: وصور ريناد اللي عندها؟
مازن: لك علي يومين ويرجعوا عند هبه
شوق: ايش بتسوي لها؟
مازن: خلي هالموضوع علي.....انا اتصرف باي
شوق: باي
..................

بعد 4 ايام من الاحداث السابقه...

خلود وناصر رجعوا من السفر وراحوا دايركت بيت ابو ناصر لانهم بيسكنون هناك ...

كانت جالسه بغرفتها ملانه تنتظر ناصر يرجع .....دقت عليها ساره الباب ودخلت
خلود: اهلين سويره تعالي
ساره: هلا فيك اخبارك؟
خلود: تمام وانت؟
ساره: مو بخير
خلود: افا ليش ساره؟
ساره: خلود ابي منك خدمه
خلود: تفضلي
ساره: بكره علي اختبار انجليزي وفي قاعده مو فاهمتها
خلود: بس؟ غالي والطلب رخيص
ساره وهي تحضن خلود: تسلمين خلود ماتقصرين يلا تعالي معاي الغرفه....الا ناصر وينه؟
خلود: مادري ياساره...
ساره: اجل مين اللي يدري
خلود: يادبه يلا قووووووومي
ساره: هههه انزين يلا يلا

.............................

صار لها 3 ايام مداومه بالمدرسه طول هاالايام وهي وشوق يتحاشون ورود تبعا لكلام مازن..بس ريناد الحره ذابحتها بودها تروح لورود وتشدها من شعرها قدام كل البنات حتى ترتاح...
وقت البريك نزلت مع شوق
شوق: تعالي نشتري لنا فطور
ريناد: حشى لا والله ماادخل في هالزحمه
شوق: اجل انتظريني هنا ماراح اتأخر ....
ريناد: اوكي
راحت شوق..وريناد دخلت عالمها الخاص وتفكر...بس حست بيد على ظهرها لفت على طول وكانت فاطمه بنت خالة ورود....ايش تبي ذي بعد لااعرفها ولاتعرفني .....ليش جايه تكلمني
فاطمه: مرحبا
ريناد: اهلا....فاطمه صح؟
فاطمه: عليك نور بنت خالة ورود...الحمدلله عالسلامه
ريناد: الله يسلمك
فاطمه: مابغيتي ترجعي المدرسه
ريناد: والله اظن كنت تعرفين زين ظروفي خاصه ان ورود اساس البلا بنت خالتك
فاطمه بلهجه دفاع: بنت خالتي ماسوت شئ..اصلا...
قاطعتها: بس لو سمحتي اللي جاني منكم كفايه ومو مستعده اسمع أي تبريرات
فاطمه: لكن صحيح اللي سمعته؟
ريناد: وايش اللي سمعتوه بعد؟
فاطمه: انك اصلا مخطوبه لمازن
سكتت شوي...شفيها ذي ايش تخرف....انا ومازن مخطوبين؟؟؟ الله لايقولها
ريناد: من قالك؟
فاطمه: بصراحه هبه قالت لورود اليوم

ابتمست ريناد..امممم ذكيه ياهبه..قايله لورود ان مازن خطيبي حتى تبعد عنه وتحس على دمها..
وتتأكد ان مالها امل معاه.....
ريناد: والله دامك سمعتي هالخبر من اخت المعني باالامر المفروض تعرفين بذكائك اذا كان صحيح او لا....
كشرت فاطمه وكأنها كانت تنتظر اجابه ثانيه....
ريناد حتى تعصب فاطمه: ولاتسغربين ان سمعتي أي خبر.....كل شئ جايز وانت فاهمه قصدي
وابتسمت ريناد وبعدت عن فاطمه اللي راحت ركض الى ورود
ورود: ها ايش قالت سألتيها؟؟
فاطمه: الظاهر كلام هبه صح البنت مرتاحه عادي وتتكلم بثقه...الظاهر مزون يحبها
ورود : حبها برص مازن لي انا وبس...بس معقوله يحبها؟
فاطمه: والظاهر هي تحبه بعد هالشئ واضح من عيونها
ورود: يعني ماكفاها اللي صار لها..هين اوريهم
فاطمه: ايش بتسووين بعد..خلاص خليهم في حالهم يحبون بعض مازن مايبيك ياورود
ورود: والله ماراح اخليهم يتهنون دقيقه وحده

......................

كانوا يتمشون بره في حديقه المدرسه....
شوق: وانا اشتري الفطور شفت فطوم اللزقه معاك
ريناد: أي تخيلي شوشو جايه تسألني صحيح انك خطيبه مازن
شوق: يؤؤؤؤؤؤؤ من وين جابت هالكلام
ريناد: هبه حتى توقف ورود عن حدها وتسكتها قالت لها هالشئ
شوق: وهبه هذي كيف تسمح لنفسها تنشر اشاعات مو صحيحه
ريناد: ياشيخه مو احسن من الفضايح اللي بتسويها
شوق: لافضايح ولاشئ...تحبون بعض فيها شئ؟؟
ريناد: بلا حب بلا اوهام ...لازم اتكلم مع هبه وبعدها الف على ورود واتفاهم معاها واخذ صوري
شوق: مخبوله انت...مازن مهددني مانقرب منها ولانكلمها
ريناد: هو ماله داعي بالموضوع....لانه يخصني
شوق: ياخبله خليه هو يتصرف معاها ويوقفها عند حدها انتظري اسبوع عاالاقل
ريناد: اوووف بنتظر وباشوف هاالاخ ايش بيطلع معاه.....انت شفتي هبه اليوم؟
شوق: ماشفتها احتمال غايبه
ريناد:اجل ابيك تعطيني رقم بيت خالتك علشان اكلمها...
شوق: تم ...

.........................
__________________

بالفعل طلعت هبه غايبه اخذت ريناد الرقم من عند شوق ..ماتدري ليش كانت حاسه انها بتسمع صوته...قوت قلبها ودقت الرقم
مازن: الو
انا قايله...احساسي في مكانه
مازن: الوووووو
ايش اسوي الحين ياربي...اسكر؟ بس عندهم كاشف وانا داقه من جوالي اكيد شاف رقمي الحين....
مازن: مين؟ ريناد؟؟؟
ريناد: ايوه
مازن: شفيك ساكته؟
ريناد: ها...لاسلامتك
مازن بصوت كله حنان ودفا : وحشتيني
ريناد بجديه: لو سمحت مازن...
مازن: سوري
ريناد: هبه موجوده؟
مازن: هبه؟ ايش تبين منها؟
ريناد: موجوده او لا؟
مازن: اول مره تدقين تبينه...ا خير في شئ؟...صار شئ بالمدرسه؟
ريناد: ليش يهمك؟؟
مازن: اكيد...لان الموضوع مايخصك لوحدك يخصني معاك
ابتسمت بسخريه..وانا اللي فاكره انك خايف علي
ريناد: أي صار شئ...
مازن: اللي هو؟
ريناد: مو لازم تعرفه
مازن: احم..اي محمد وايش كمان
ريناد: محمد؟ حد جنبك
مازن: أي والله خلاص انا ادق عليك حمود
ريناد: لاتتصل لو سمحت
مازن: متى يناسبك؟
ريناد: اقولك لاتتصل
مازن: بعد 10 دقايق ؟ خلاص تم ماراح اتأخر باي
سكر قبل ماسمع جوابها....ضحكت غصبا عنها على حركته..اقوله لايدق يقول بعد 10 دقايق...فديته
حست لنفسها وقامت من السرير...ريناد شفيك؟ جنيتي الظاهر؟ ليكون حنيتي بس له ؟؟
وحسيتي بحنين لصوته؟ لا ابدا يامازن لاتحلم بهالشئ..مستحيل انسى كل اللي سويته لي..
لازم ابعدك من حياتي..والملم نفسي وانسى..بس بقدر انسى مازن؟ بقدر انسى حنانه ونظراته وضحكاته
ورومنسيته....صعب انساك يامازن لاني احبك ....ولانك روحي اللي ماقدر اعيش بدونها بس مجبوره..


اتصل رفعته على طول والانكسار واضح في صوتها.....
ريناد: ايش تبي؟
مازن: بلاش منه هاالاسلوب تسمحين؟
ريناد: لامااسمح طيب..ولو سمحت لاتتصل
مازن ببرود: مو داق لسواد عينك فاهمه
ريناد بخوف: اجل؟
مازن: ايش صار بالمدرسه؟ هذا اللي يهمني اما انت...تعرفين اني احبك لكن عزه نفسي اقوى من حبي...حطي هالشئ في بالك اوكي؟
نزلت دموعها من بعد هالجمله....حاولت توقفهم بس عبث
مازن: مابتتكلمين
ريناد: ماصار شئ
مازن: اجل ليش داقه لهبه؟ لاتقولين تسولفين عارف ان علاقتكم مش ولابد
ريناد:خلاص مو مهم
مازن: ريناد حركات الاطفال خليها على جنب وتكلمي
ريناد: فاطمه بنت خالة ورود
مازن: بعد لورود دخل بالموضوع؟ طيب كملي
ريناد: جات وسألتني اذا كنا......مخطوبين
ابتسم وحس بفرحه غريبه...وتخيل ان ريناد خطيبه..عجبته هالفكره
مازن: اوكي وبعدين؟
ريناد: سألتها من قال لك قالت هبه قالت لورود....

ههههههه ياريناد هذي فرصتي لازم اشرقك واغربك واسهرك واتعبك حتى تحنين لي وترجعين مثل قبل....ادري تحبيني بس تكابرين....لكن لازم اكسر غرورك وبتصيرين لي انا وبس....
مازن: وانت نكرتي طبعا؟
ريناد: لا مو مجبوره انكر خلي اختك تتصرف
مازن بعصبيه مفتعله: شنو؟؟؟؟ ليش ماانكرتي؟؟ليكون عجبتك الاشاعه ؟ ها؟ اكيد عجبتك وسكتي ماحبيتي تنكرين ايش هاللي سويته
ريناد: انا؟
ياربي ليش يصارخ علي انا ماسويت شئ غلط....
مازن: لا خيالك...المفروض تنكرين...شنو بعد خاطبين والله سمعه ان تكرر هالموقف لاتعيدي حركتك طيب؟
ريناد: باي
مازن: براحتك باي
سكرت وهي مصدومه وعينها مفتوحه في الفراغ توقعته يفرح بهاالاشاعه مثلي ماانكر فرحت...بس طلعت اوهم نفسي لااكثر...غمضت عيونها واستسلمت لدموعها للمره الالف...

اما مازن كان مبسوط عاالاخر..كنت قاسي وجاف معاها بعد ريناد حساسه وتلاقيها تبكي الحين..ااه هي اللي تجبرني على هالتصرفات ....
اما الحين جاء دورك ياورود.....ادق عليها واشوف.. وان شاء الله تنجح خطتي
__________________



ورود: الو
مازن: مرحبا ورود؟
سكتت وهي تستوعب نبره الصوت ولما عرفته طارت في السماء من الفرحه
ورود: مازن؟؟؟ نو وي
مازن وهو يضغط على نفسه: هههههههههه...اخبارك؟
ورود: تمام غريبه يعني داق علي
مازن: مو عارف كيف اشكرك ياورود
ورود: على شنو مازن؟
مازن: صدق اللي سمعته انك ماخذه صور لريناد و
قاطعته وهي ترجف من الخوف: من قالك؟
مازن: والله انك خطيره بجد ماشفت بنت مثلك
ورود: هههههههههههه لاتشكرني....بس توقعتك تتضايق
مازن: وليش اتضايق ياشيخه ومن تكون ريناد اصلا
ورود: يعني انت ماتحبها؟
مازن: لاوليش احبها؟ مثل اختي هبه بالضبط
فرحت من قلب ....طمتني يامازن
ورود: بس تدري انا اصلا ماعندي أي صور لريناد
مازن: كيف ماعندك؟
ورود: هههههههه كان مجرد تهديد لااكثر ولا اقل
مازن: يعني مالها أي صوره عندك؟
ورود: لا والله
مازن: اها طيب ورود مااطول عليك
ورود: انا ماصدقت دقيت علي ليه تسكر
مازن: بس تعبان شوي وبرتاح
ورود: اها ماعاش التعب
مازن: باي
ورود: باي

سكر وهو يضحك ياربي كيف صدقناها ماعندها لاصور ولاشئ بس تهدد هالخبله..اووف هم وانزاح لازم اخبر شوق حتى تقول لريناد... وان شاء الله تقدر ريناد اللي اسويه علشانها وعلشان اشوفها مرتاحه ومبسوطه...



ياترى ريناد بتلين وبتفهم حب مازن الحقيقي لها؟

وبترجع له؟؟

ورود على ايش ناويه ؟؟

كل هذا بتعرفونه في الجزء القادم

الساعه 3 ونص الظهر كانت لسه صاحيه من النوم لفت الا ناصر واقف عند خزانه ملابسه
لف عليها وابتسم..ردت له الابتسامه وراحت لعنده

خلود: ليه ماصحيتني للغداء
ناصر: لاحبيبتي خذي راحتك انا اصلا للحين ماتغديت
خلود: ليش ناصر؟
ناصر: اتغدى وحبيبتي مو معاي مايصير
خلود: امممم اوكي بانزل اجهزه لك
ناصر: عندي فكره احلى
خلود: اتحفنا بأفكارك
ناصر: هههههه شرايك نروح مطعم
خلود: امممم واي نت احلى فكره
ناصر: ايش تنتظرين يلا روحي البسي
خلود: هههههه موتروح عني ثوااني اسبح وانزل لك
ناصر: ان تأخرت يشخط السياره وبروح عنك وانت حره عاد
خلود: اوه ناااااااصر
ناصر: ههههههههه ليش اقدر يلا رووحي بسررعه

وصلوا المطعم وجلسوا على طاوله تطل على حديقه وبوسطها بركه
خلود: تصدق نفسي اسبح في بركه
ناصر: روحي احد ماسكك
خلود: اقوم انط فيها؟
ناصر: هاااااااااا يالدبه اشوف صدقتي تبيني اذبحك
خلود: انت قلت من شوي
ناصر: وانت بغيتيها من الله
خلود: ههههههههه
ناصر: ايش تبين تاكلين؟
خلود: امممممم أي شئ المهم يسد جوع

طلبوا لهم خفايف ..لما وصل الاكل شمت ريحته كانت طيبه صحيح ..ولكن ماقدرت تاكل
ناصر وهو يرفع راسه لها: من شوي تقولين جوعانه
خلود: مالي نفس ناصر
ناصر: يلا عن الدلع خوخه وكلي
ضغطت على نفسها واكلت كانت جوعانه ولكن مو عارفه ليش مو قدره تاكل
خلود: موقادره اكل اكثر بس
ناصر: ليه شفيك؟
خلود: لايعه كبدي و...
قبل ماتكمل قامت وخطوات واسعه للحمام....استغرب من امرها..شفيها مو مشتهيه تاكل وتفرغ اللي ببطنها مو طبيعيه اخاف مريضه ....
رجعت ويدها على بطنها وجلست بتعب.....
ناصر: حبيبتي خلود شفيك؟ بأيش تحسين
خلود: لاسلامتك ناصر لاتحاتي
ناصر: كيف مااحاتيك عمري...تبين نرجع البيت ترتاحين؟
خلود: لا ليش كل هذا... تعب بسيط وبيروح كمل اكلك
ناصر: متأكده
خلود وهي تحط يدها على يده: تطمن

وكملوا اكلهم وبعدها راحوا البحر يتمشوا شوي...

لما رجعوا البيت لقوا سلمى اخت ناصر ومعاهم دينا بنت خالته
سلم ناصر عليهم وبعده خلود وجلسوا معاهم.......
ناصر: هلا والله باختي ماقلتي بتنزلين
سلمى: ولا انا كنت ادري زوجي عزم وجيت
ام ناصر: وين رحتوا ؟ كيف تطلعون بدون ماتعطوني خبر
كشرت خلود وهي مستنكره كلام ام ناصر....وقام تتكلم مع نفسها
شدعوه نقول لك اطفال احنا..اووف الله يعيني عليها
ناصر: يمه ماشفناك الله يهداك ...اي اخبارك دينا بالجامعه
دينا: والله تمام الحمدلله
طالعت خلود الاثنين ونزلت راسها...ياربي اغار عليه ماودي يتكلم مع غيري بس هذي بنت خالته اووه ...
ناصر: وينك ليه ماتزورينا مثل قبل
ام ناصر بصوت عالي : وين تجي ياحسره من تزوجت صارت ماتزورنا انت ناسي انها كانت المفروض تصير زوجتك
رفعت خلود راسها وطالعت دينا وناصر ......تصير زوجته؟؟ ماقال لي ان المفروض تكون خطيبته رسمي...
مو مجرد كلام بين اهل...شكل الموضوع كان بيتطور....اكيد امه لزمت عليه وهو رفض.....
بس ليه ماقال لي ان امه ماتبيني وكانت تبي دينا له.....هذا يفسر كرهها لي
سلمى وهي تحاول تلطف الجو بعد مالاحظت توتر ناصر ونظرات خلود : امممم لايمه شدعوه...بس انشغلت صح دينا؟
دينا بارتباك : الا صح اكيد...
لاحظوا ساره تنزل بخفه عالدرج وتجلس جنب خلود
ساره: مرحبا
سلمى: هلا باللي قاطعه اختها حتى اتصال ماتتصل شدعوه سوير
ساره: شسوي فيك my future اهم منك
دينا: ههههههههه
سلمى: عشتووووو قامت ترطن انجليزي بعد
ساره: اجل ايش تفكرين اجل خوخه مرت اخوي عالفاظي...صح خلود؟
خلود ببتسامه بارده: اكيد ساره...عن اذنكم ياجماعه
ام ناصر: وين رايحه ماتشوفين الضيوف
خلود: اشوفهم ياخاتي دقايق وبرجع
اخذت شنطتها بعصبيه وركبت لغرفتها وناصر قام على طول بيلحقها بس امه وقفته
ام ناصر: شنو طفله تزعل وتروح تركض تراضيها
ناصر: يمه ليه سويتي كذا؟
ساره وهي تكلم سلمى: شصاير سلووم
سلمى: اسكتي ملقوفه
ام ناصر: يؤ ماقلت شئ هذي الحقيقه لو انت ماخذ دينا بنت خالتك مو احسن
__________________

دينا بعد هالجمله كرهت نفسها وتمنت لو ماجات بس سلمى نزلت الشرقيه ودقت عليها حتى تجي تزورها.....
ناصر: يمه ارجوك انسى هالموضوع قايل لك الف مره لاتفتحيه دينا مثل اختي...اووكي
وصعد الدرج بسرعه ودخل الغرفه ولقاها جالسه عالكرسي اللي بالزاويه وضامه رجلها لحضنها ....وتبكي
راح وجلس عاالارض ومسك يدينها....
ناصر: خلود ليش تبكين حياتي
خلود: انت عارف ليه تسأل
كانت بتقوم بس مسكها بقوه ورجعها....
ناصر: خلود انا صحيح خطبت دينا بس ماصار نصيب
خلود: اها رفضتك قمت جيت لي...اجل ليه قلت لي من شفتك حبيتك وجيت اخطبك..تكذب علي ياناصر لو ماكنت تبيها اصلا مافكرت تخطبها رسمي...
ناصر: انا ياخلود اكذب عليك؟ هذي نظرتك لي؟
خلود بعصبيه: خلااااص لاتتكلم عن الموضوع اكثر ممكن؟
قام من مكانه ووقف مقابلها: اهدي الحين...بس ياخلود لاتحكمين على قبل ماتعرفين كل القصه
خلود: أي قصه بعد؟
عطاها نظره بارده سريعه وطلع من الغرفه صادف سلمى عالدرج....مسكته من كتفه
ناصر: سلمى تكفين اتركيني
سلمى: شدعوه ناصر...تهاوشتوا؟
ناصر: اكيد من بعد كلام امي ايش تتوقعين اوووف متى برتاح متى
سلمى: تدري اترك خلود علي انا باكلمها
ناصر: اتركيها الحين هي معصبه ولاهي راضيه تسمعني وتصدقني
سلمى: انت ماعليك احنا حريم نفهم على بعض
ناصر: براحتك.....

دخلت الغرفه وراحت حضنت خلود...تشبثت فيها خلود اكثر وقامت تبكي
سلمى وهي تبعد عنها: خلود ليه كل هالدموع خلاص لاتسوين بنفسك كذا
خلود: سلمى صحيح كانت دينا خطيبه ناصر ..كان يبيها؟
سلمى: خلود ماكان يبيها لانه يعتبرها مثلنا وحده من خواته.....خلود صدقيني ناصر يحبك ويبيك انت ومستحيل يكذب عليك..علشانك تحدى امي واخذك....ودينا من عرفت بهالشئ رفضت علشان ناصر وعلشانك
خلود: جد؟
سلمى: أي ياخلود..روحي راضيه هذا زوجك مالك غيرك وماله غيرك من بعد عمر طويل ...
تطمني يالدلوعه ماقد مره فكر بغيرك جننتيه
خلود وهو تمسح دموعها: ههههههه وينه؟
سلمى: نزل تحت..والمسكينه دينا قامت وراحت بيتهم انحرجت من امي...معليش خلود امي اطباعها صعبه شوي
تحمليها علشان ناصر...اذا تحبينه
خلود: اكيد احبه ياسلمى وعلشانه بتحمل...

قامت من مكانها وحست بدوخه...اووف شفيني اليوم مو على بعضي....لاحظت سلمى هالشئ وقربت منها
سلمى: فيك شئ؟
خلود: لابس دوخه
سلمى: ليه عسى ماشر
خلود: مادري سلمى اليوم لايعه كبدي والحين دوخه
سلمى وهي تبتسم ابتسامه عريضه: خلوووووود ليكووون حامل
فتحت عينها عالاخير وحطت يدها على بطنها....انا حامل؟ يؤؤؤؤؤؤؤ معقووله؟؟؟ ياسلااام يافرحتي لو هالخبر صحيح
سلمى: هيييي اكلمك شفيك كل هذا فرحه
خلود: هههههه ياسلمى باموت من الفرح لو هالخبر صحيح
سلمى: اممممم روحي الصيدليه واخذي اختبار حمل منزلي ويااارب تطلعين حامل واصير عمه على غفله
خلود: ههههههههههههههه امين امين ياااااارب

وتصالحت مع زوجها بنفس اليوم وقررت تضغط على نفسها وتتحمل ام ناصر علشان ناصر بس..
وعلشان ماتبي مشاكل اكثر....
__________________

طلع من غرفته على اساس يكلم امه في موضوع خطبته من هبه....لقى شوق حامله سله فيها عصير وشيبس
وشويه اكل وماسكه تفاحه بيدها تاكلها
محمد: حشششى عفيه معده اللي عليك كل هذا
شوق: خمسه وخميسه بعين الحسووود شفيها يعني
محمد: لامافيها شئ بس شوي شوي لاتبعلين البيت في طريقك...
شوق: بايخه فارق عني
محمد: وين امي؟
شوق: بالصاله مع ابوي ليش؟
محمد: من وين مستورده اللقافه هااا؟
شوق: من الجيران بعد من وين عندنا بالبيت المصنع اقوم استورد
محمد وهو يمسك اذنها : من تقصدين شوقوووه
شوق: ايييييي ياسخيف اترك اذني
محمد: مو قبل ماتقولين

ترك اذنها وبعدت عنه وطلعت له لسانها
شوق: انت عارف .......مو لازم اقووول ياالملقووووووووووووووف
جاء يركض هربت لغرفتها وقفلت الباب
محمد: هين وين بتروحين يا...الملقوووووووفه
ابو محمد: خير خير ايش هاالازعاج
لف الى ابوه اللي كان يصعد الدرج
محمد: العفو يبه ماتعرف يعني بنتك الخبله
ابومحمد: وانتوا هذي حياتكم ليل نهار لعب ومسخره
محمد: لايالغالي اسفين....الا حبيبه ابومحمد وينها
ابومحمد: لابارك الله فيك من ولد استح
محمد: ههههههههههههههاي ياخجول
ابومحمد: الله يهديك ليكون ناسي اني ابوك ومفكرني واحد من ربعك
محمد: هههههههههههههههههه لايبه نهزر شوويه معاك ...امي وينها تحت؟
ابومحمد: أي تحت
محمد: نازل لها

نزل ولقى امه جالسه تتابع تلفزيون حب راسها وجلس جنبها
محمد: يمه ابيك بموضوع
ام محمد: ايش يامحمد؟ خير؟
محمد:امممم يمه موضوعي مع هبه
ابتسمت امه ولفت له....
ام محمد: اهاااا شفيها؟
محمد: كلمتيهم؟
ام محمد: انا وابوك اقترحنا نروح لهم بكره بعد صلاة العصر ونخطبها
محمد: اوكي ومتى الملكه على خير؟
ام محمد: وين اللي مايبي يتزوج ولايبي هبه...اشوفك مستعجل عالملكه اصبر للحين ماكلمناهم
محمد وهو منحرج: لايمه مو كذا بس
ام محمد: ههههههههههه فاهمتك خلاص بكره نروح لهم ...الله يوفقك يامحمد ويطول بعمري حتى اشوف عيالك
محمد: وبتشوفين عيال عيالي يااارب الله يخليك لي يالغاليه..

.....................

بعد يومين كانت جالسه بغرفتها وتفكر في حبيب القلب محمد...ومبسووطه واخيرا خطبها وبتصير له ويصير لها
دق عليها مازن الباب ودخل
مازن: هههههههه شفيك ليل نهار سرحانه
هبه وهي تعتدل بجلسها: هااا احم لاسلامتك
مازن: ههههههه أي من قدك بتصيرين حرم الاخ محمد
هبه: اووه مزووون
مازن: ههه وين مخبيه هالخجل
هبه: بتسكت ولا اطردك
مازن: لا خلاص خلاص كنت ابيك بموضوع
هبه: كلي اذان صاغيه
مازن: كلمت ورود
هبه: شنو؟؟؟؟؟؟؟؟؟؟؟؟؟؟ متى يالخاين ماقلت لي ولييش ايش قلتوا
مازن: لحظه...حبه حبه علي...شوفي هبه اخذت رقمها من جوالك وكلمتها وسألتها عن الصور
هبه: اوكي وايش قالت؟
مازن: تدرين ان ماعندها ولاصوره لريناد
هبه: جد؟؟؟؟؟ من جدك مازن تتكلم مايصير هي قالت لي وهددت ريناد بالصور
مازن: مجرد تهديد حتى تخوف ريناد لااكثر
هبه: خبله صحيح..لكن الحمدلله ماعندها أي صور
مازن: المهم بالموضوع كله الحين ترجعين معاها مثل قبل
هبه: وعععع ايش اسوي فيها ماابيها
مازن: هبه كذا بتصير مشاكل احنا في غنى عنها...خليك عاقله وذكيه ارجعي معاها بس اخف من قبل تقربي منها خليها تأمن لك ....سوي نفسك تكرهين ريناد وانك واقفه بصفها واعرفي كل شئ تفكر فيه
هبه: اممممممممممممم
مازن: ياذكيه حتى ناخذ الحذر منها ونفهم كل شئ تفكر فيه
هبه: يعني قصدك انافقها
مازن: مو نفاق ولكن للظروره احكام ...شرايك؟
هبه: حلووو تم كم مازن عندي بس واحد
مازن: تسلمين لي ياعروس
هبه: هههههههه الله يسلمك

.....................

بعد اسبوعين جاء يوم ملكه محمد وهبه....الكل مجتمع في بيت ام مازن وفرحان ومبسوط بس فرحه هبه مالها مثيل ودها تصرخ بصوت عالي ياناس فرحانه خلاص محمد صار لي.....لاتلوموها فرحانه البنت

وصلت شوق وريناد مع ام محمد وكانت ام مازن في استقبالهم
ام مازن: ياهلا والله
ام محمد: هلا والله بأختي ام مازن...مبروووك مبرووك
ام مازن: الله يبارك فيك ومبروك عليكم
رينادوهي تشيل عبايتها: مبروك خالتي
ام مازن: الله يبارك فيك عقبالك انت وشوق
شوق وهي ترفع يدها : يااااااااااااااااااااااارب قولوا امين
ام محمد وهي تجر اذن شوق: ايا قليله الادب استحي شوي مثل بنت عمك
ريناد: هههههههههه اتركيها خالتي
شوق وهي تشيل يد امها : اوووه يمه ادعي مافيها شئ ولا تبيني اعنس مسكينه هاالاذن الكل يجرها
ام محمد: اخ من لسانك الطويل اذلفي عني
ام مازن وهي تجر يد اختها: هههههههههههههه خليهم عنك ياام محمد
شوق: خالتي الا الباقي وين
ام مازن: كلهم ياشوق صعدوا فوق روحي لهم
شوق: اوكي....يلا رنوش نصعد

صعدوا الثنتين...كانت شوق لابسه فستان بيج قصير نوعا ما ومسويه شعرها رولات...وطالعه كأنها وحده من الافلام الارستقراطيه اما ريناد كانت كلاس لابسه فستان اسود وفيه لمعات صغيره مره عند فتحه الصدر اللي على شكل مربع وطالعه رووعه ......
__________________

دخلوا غرفه هبه وكانت مثل المصنع دخان الاستشوار والعطور وروائح مثبت الشعر والموجودين خلود اللي صارت احسن هاليومين وشالت فكره الحمل من راسها وقالت مجرد تعب.. وحور وساره اخت ناصر اللي جات مع خلود وورود طبعا اللي صالحتها هبه مؤخرا.....وهبه اللي جالسه مقابل مرايتها وتوها واصله من الكوافير...
كشرت ريناد لما شافتها بس بعدين ابتسمت والله لاروح واسلم عليها ولاكأن صاير شئ خليني اغيضها
شوق: هااااااااااااااااااااي صبايا
ريناد: مرحبااااااااااااااااا جيرل
حور: ياهلا وغلا حياكم
هبه: هلا شوق هلا ريناد تفضلوا
راحت ريناد وسلمت عالكل ولما وصلت لورود
ريناد: ورود بعد؟ ياهلا
ورود بتحدي: هلا فيك والله طالعه حلوه
ريناد بغرور وهي ترفع راسها: من يومي حلوه والله
راحت شوق ووقفت عند مرايه هبه
هبه وهي تبتسم: شوق انا حلوه طالعه
قبل ماتجاوب سكتت شوق وتعمقت في هبه...ياربي اول مره احسها تبتسم ابتسامه صادقه من قلبها ...اول مره احسها طيبه معقوله هي طيبه وانا مو داريه...لا اكيد من الفرحه نست كل شئ
هبه: شوق لايكووون ماعجبك
شوق: ههههههههههه لاهبه والله حركات وين مخبيه كل هالجمال
هبه بصوت منخفض: مخبيته لمحمد
حور: ههههههههههههههههه ياعيني عالحب من قده محمد فيك
ورود كانت تطالع ريناد بنص عين وهي تفكر....اوووف كنت اتوقع باكون الاحلى بس ريناد كالعاده تسرق مني الاضواء حتى هبه ماانكر اليوم طالعه تجنن...اووووف وبعد يمكن يشوفها مازن ..وين يعبرني ساعتها لكن لا مو ورود اللي تيأس ....لازم احاول

راحت شوق لساره وحضنتها: شلونك سويره وحشتييني
ساره: أي صح مو بااااااااااين روحي عني زعلانه
خلود: ليه مزعله ساره هاا؟
شوق: اخ يالقهر من قدك ياسويره اخذتي مكاني عند خلود
ساره: ههههههههههه هالشئ اللي مستحيل يصير عاد صح خوخه
خلود وهي تمسح على شعر شوق: شوقوه طالعه قمر يالدبه مرره يجنن شعرك وين مسويته
شوق: احم انا سويته
خلود: جد؟؟؟؟؟؟
ساره: مااصدق
شوق وهي تودي شعرها على ورا بغرور: احم ليش توكم تدرون اني فنانه وماهره
انتبهت شوق الى حور اللي واقفه جنب هبه وتساسرها في اذنها
سحبت شوق يد ريناد اللي سرحانه وجابتها لعندهم
شوق: تتوقعون ايش تقول حور لهبه؟
ساره: تقول انك ملقوفه حدك
خلود: اعطيها سويره اكثرههههههههه
شوق: لا جد ليه تكلمها في اذنها اكيد اللي تقوله خطير طالعوا هبه كيف وجهها صار احمر
لفوا وطالعوا هبه من المرايه وكانت منزله راسها.....ومسويه مستحيه
ريناد: عن اللقافه شوق كلام حريم مالنا دخل فيه...انا نازله شوي تحت اشرب ماي
شوق: لاتتأخرين

حطت ريناد شيلتها على راسها ولبست عبايتها... ماتدري من تصادف والاحتياط واجب مرت على غرفه مازن وقفت تطالعها....كان بابها مفتوح والاضواء مشغله...بس ماله اثر.لمحت له صوره كبيره نوعا ما حاطها في برواز قريبه من السرير
.....ماقدرت تقاوم فضولها ودخلت تطالع اركانها...وابتسمت فديت المرتب
لمحت اوراق شالتهم كانت خواطر وباالاخير شافت اسمها كاتبه بالفن

ماتوقعت هالشئ...يعني يفكر ويكتب فيني مثلي...افكر واكتب فيه
معقوله هالشئ...تركتهم وراحت للصوره وكان فيها حاط يده على خده ومبتسم ابتسامته الجذابه ......
مررت اصابعها البارده على عيونه وتنهدت وبصوت منخفض قالت احبك مااقدر اكذب على نفسي
سمعت صوت خطوات من وراها انشلت حواسها ...وفتحت عيونها عاالاخر....لا ياربي ايش هالمصيبه
ماعرفت ترجع الصوره او تخليها عندها..تبقى مكانها ولا تطلع بسرعه
مازن: كانت عارف انك تحبيني بس غرورك اللي متعبني وياك
لاااااا ايش هالفشله وسمعني بعد....لكن انا الخبله ليش ادخل افهمي الاضواء مشغله يعني في احد
رجعت الصوره بيد ترجف ولفت حتى تطلع بس مسك يدها بقوه وقام يطالع وجهها وهو مبتسم
__________________

مازن: لاناويه على قلبي الليله مااقدر على هالجمال والله اموت ريناد
سحبت يدها وكملت طريقها بس راح ووقف مقابل الباب حتى ماتطلع.......
ريناد بعصبيه: خليني اطلع
مازن: دامك داخله برضاك وبطوع رغبتك لغرفتي مستحيل تطلعين منها بالساهل
ريناد بارتباك: اه..اممممم اصلا كنت ادور على شئ
مازن: اللي هو؟ ايش تدورين بغرفتي
ريناد: مادري مادري نسيت
مازن: ههههههههههه مهما كابرتي وصديت يبقى الشوق واضح بعينك
رفعت عينها تطالعه.....والشوق اللي بعيونك لي واضح يامازن....مادري جايز تحبني بس الاساليب اللي سلكتها هي اللي بعدتني عنك ....
مازن: ريناد
ريناد: نعم
مازن: ابيك....
ريناد بتوتر : ها؟
مازن: ابيك لي حبيبه وصديقه واهل وكل شئ....ابي نرجع مثل قبل واحلى
ريناد وهي تعدل شيلتها: اسفه مازن انا قلت لك اخر مره في بيتنا ان احنا....
يقاطعها بعصبيه: انتهينا؟ ياربي منك شلون بهالسهوله تقوليها عارفه يعني ايش احبك وتحبيني هذا حب قصه مشاعر مو لعب
ريناد بتحدي: من قال احبك
مازن: عيونك رجفه يدك وتوترك
فاضحني فاضحني مثل مايقولوا هي خاربه خاربه خلينا نعميها.....
ريناد: كنت وهذا فعل ماضي
مازن وهو يقرب ويمسك كتفها وحست ان اطرافها انشلت من حركته : تحبيني تحبيني ريناد لاتنكري
ريناد وهي تبلع ريقها : اوكي بعد عني
مازن: قوليها تحبيني ولا......لو ماتحبيني مستعد ابعد عنك للابد
شالت يده وطالعته بذهول...للابد؟ يعني بيختفي عن عيوني للابد...مابيكون في حياتي مازن اللي ضحكته ترد لي الروح ونظراته الحنونه تهزني وتخليني اطير بالجو........
ريناد والدمعه بعينها: أي احبك اووكي هذا اللي كنت تبي تعرفه...والحين بتبتعد عني؟ بكيفك ليش الحرمان شئ جديد علي...امي وبعدها كنت بنحرم من ابوي وبعدها من الشخص الوحيد اللي حبيته......
جات بتطلع بس وقفها...
مازن: باقولك بس شئ اخير ..واسمعيني
ريناد: قول
مازن:ريناد لو يتخلى عنك العالم كله..والله وهذا انا احلف لك بربي مابتركك وبتبقين في قلبي للابد..لاني اموت فيك فاهمتني؟
ابتسمت له ونزلت راسها....
مازن: ريناد
ريناد: نعم
مازن: ورود ماعندها أي صور لك
رفعت راسها بسرعه تطالعه
ريناد: وانت كيف عرفت؟
مازن ببتسامه: كلمتها
ريناد وهي عاقده حواجبها: شلون كلمتها
مازن: شلون يعني بالجوال وقالت كانت تهددك لااكثر المهم انا وصيت هبه ترفع كل البوماتها حتى ماتشوفهم ورود
ريناد: اها صالحتها هبه يعني لهالسبب اشوفها هنا
مازن: انا قلت لها صالحيها
ريناد: الحين فهمت ....
مازن: فهمتي ايش
ريناد بعصبيه: سلامتك

وطلعت ونزلت بسرعه عالدرج....الظاهر دخلت مزاجك يامازن اول شئ كلمتها بعدين قلت لهبه تصالحها
والله يستر من الجااي ...اووف براحته يسوي اللي يبيه

لقت تحت ام ناصر واختها ام دينا اللي عزمتهم ام مازن سلمت عليهم وراحت للمطبخ تشرب ماي شافت بشار ومحمد هناك...........
__________________

ريناد: سلااام
محمد – بشار: وعليكم السلام
لمحت محمد يشرب ماي من الثلاجه بارد .....وكل شئ يعبي الكاس ويشرب
بشار: ههههههههههههههههه خلاص مابردت الحره اللي فيك
محمد: بشاروه روح عني والله خايف
ريناد: ههههههههههههه بتهون؟ خلاص نروح نقول للعروس ؟
محمد: هيه انت شتقولين مجنون انا
بشار: هههههههههههههههه مع وجهك اذا انت تسوي كذا كيف البنت..ها كيف معنوياتها ؟؟
ريناد: يووو شقولك فرحانه
وغمزت لمحمد
محمد: جد؟
ريناد: أي وطالعه قمر ماشاء الله
ابتسم محمد وحط يده بيده الثانيه وسرح......المفروض تكونين مكانها ياسماح بس ايش اقول..يلا الحمدلله على كل حال
بشار: ههههههههههههههه يالحبيب يقولك في هندي فكر وفكر تعب ومات
محمد وهو يضرب بشار على كتفه: مااااااااااااااالت بس ماااااالت بومه من يومك
بشار: رينادووه ادعي لي انا بعد املك واتزوج
ريناد: يااااااااااااااااااااارب يارب قولوا امين
بشار: امين ......قول يالتمساح امين
محمد: اوووه امين وخالد واحمد انزين انا رايح المجلس
بشار وهو يضرب محمد على كتفه: روح روح خساره مابدخل معاك لما تلبسها الشبكه خسااااااره ودي اشوفك وانت متوتر وبتمووت عليهم ياربي ساعدوني خااايف
ريناد: هههههههههههههه
محمد: ماصخين
وراح عنهم...
ريناد: ههههههه اتركه في حاله بشار
بشار: ايش هالحركات رينادوووه ماعرفت اول شئ
ريناد: هههههههههه ارفع معنوياتي أي وبعد شلون شعري
شالت الشيله حتى يشوف وكان مستقيم مافيه أي شئ زايد وناعم مره
بشار: مافي جديد من زمان شعرك ناعم وسلسبيل
ريناد: سلسبيل يعني شنو؟
بشار: هههههههه شامبو ماتعرفينه ههههههههههههههه
وطلع من المجلس وهي تفكر...شعري سلسبيل ؟ ايش هالشامبو اللي اسمه سلسبيل بعد....مادري والله
تمت الملكه على خير ونزلت هبه للموجودين وهي فاطسه من الحيا للمره الاولى تحس بجد انها بتمووت من نظرات البنات والحريم لها وكلمات الاعجاب في فستانها ومكياجها وتسريحتها..........

جات لها امها وحضنتها غصبا عنها تذكرت ابوها وتمنته معاها يشاركهها هالفرحه....
دمعت عينها وماحست الا بضربه من حور على يدها
حور: وهذا وقته هبه....الحين بيدخل محمد لايخترب مكياجك
هبه: الحين؟
ام محمد: ماشاء الله عليك ومالله وعرفت اختار لودي شيخه البنات
نزلت راسها من اطراء خالتها ......
ورود كانت جالسه قريب منهم ومقهووره...ياربي هبه كيف قدرت تاخذ محمد...وانا للحين مو قادره اشبك مازن فيني...عليها حظ مثل الصخر اعوذ بالله......

دخل محمد عليها مع مازن حتى يلبسها الشبكه...كانت مستحيه بجد مو عارفه كيف تتصرف اما هو اكتفى بابتسامه عاديه على ملامحه.....
لبسها الشبكه بمساعده امه وخالته اللي فرحانين لعيالهم......
محمد وهو يرفع راسها بيده: مبرووك
هبه: الله يبارك فيك...
ابتسم بسخريه...اه ياالاقدار المفروض تكوني ياسماح مكانها لكن للاسف...بعتيني برخيص كنت مستعد انتظر طول العمر بس تكوني في النهايه لي ولكن صديتيني وقلتيها ببساطه...انساني ماابيك...خلاص انت حطيتي نهايه لعلاقتنا وانا من جهتي بنساك خلاص وباعيش حياتي وبستقر مع هبه......

حس بشوق تحط يدها على خده وتجره
محمد وهو يشيل يدها: الله يغربلك من بنت فشلتينا قدام الناس
مازن: توك تعرف انها مفشلتنا
شوق : ياشين اللقافه حد كلمك يااخ
مازن: مو لازم يااخت انا افرض رأي والكل ساكت
شوق: عدال مازن بوش
مازن: متى تعرسوها بعد هذي ونفتك منها ومن لسانها الطوويل
شوق: قااااااااعده على قلبك
ام محمد: لابارك الله فيك من بنت روحي اجلسي جنب بنت عمك شوفيها شحلاتها
لف مازن يطالع ريناد وكانت تطالع محمد وهبه ومبتسمه ....قام يهلوس مازن مع نفسه..ويييلي باااموت ايش رقه ايش نعومه اللي عليها هالبنت وتلومني اذا قلت لها احبك كيف اقدر اخفي شعوري كييف قولوا لي يانااس.....

شوق: من زينها عاد رينادوووه
حور وهي تجيهم مع خلود: عالاقل بالعه لسانها وجالسه
خلود: مبروووك شحلاتكم والله لايقين على بعض طقم
هبه: ههههههههههههه
ام مازن: محمد ياولدي ترى مالي غير هالبنت ماوصيك عليها حطها بعينك
محمد وهو يطالع هبه اللي تطالع امها والدمعه بعينها: الله يقدرني واسعدها ان شاء الله
ام محمد: ياااااااارب يلا شد حيلك مازن ياولدي الدور عليك
مازن وهو يحط يده على كتف خالته: جد؟؟؟؟؟؟ موافق اخطبولي من بكره
ام مازن: هههههههه مسرع يامزووون مسرررع شفيك مستعجل
مازن: يممممه مافيها شئ باعرس ليش محمد احسن مني يعني؟ ....اقول خالتي من العروس
ام محمد: مافي غيرها تناسبك ريناد طبعا مابتروح لواحد غريب الاقربون اولى بالمعروف صح يااختي؟
ام مازن: ليش بنحصل احلى واحسن من ريناد الله يخليها ويحرسها لأهلها
ماصدق خالته وابتسم ابتسامه عرييضه ريناد لي؟؟ وتصير زوجتي؟؟؟ معقووله؟
يااااااااااااااللله احلى خبر...بش شفيني فرحان خليها توافق اول وبعدين يصير خير ...لف عليها وجات عينها بعينه
استغل الفرصه وغمز لها...كشرت وعطته نظره قويه....ماانتبهت الا شوق تجلس جنبها
__________________

شوق: شفيك مكشره اللهم ياحافظ كأن حد ناهب لك حلالك
ريناد: اسكتي عني ماني رايقه لك
شوق: بتقولي ولا شلووون
ريناد: ولاشلوون ماتعرفين يعني حركات ولد خالتك يغمز مع وجهه
شوق: ههههههههههههههههه جد؟؟؟ والله هالمزون عليه حركات
ريناد وهي تقلد شوق في صوتها وحركتها: والله هالمزون عليه حركات.....مع كشتك أي حركات وبعدين اسمه مازن مو مزووون شنو اصغر عيالك
شوق: لاقومي بعد اضربيني باللي في رجلك على راسي يلا قوومي
ريناد: ههههههههههههههههه دبه

لفت ريناد للجهه اللي جالسه فيها ورود لقتها تطالع مازن....
ريناد: شوووق
شوق: هلا
ريناد: شوفي ورود كيف تطالع مازن شوي وتاكله بعيونها هذي ماتستحي على دمها اووف
لفت شوق وانتبهت لها ورود وعملت نفسها تطالع هبه ومحمد....
شوق: الحين اوريك لا وجالسه قريب من هبه مفكره نفسها من الاهل هيين
ريناد: هيه بنت بلا استهبال ايش بتسويين؟
شوق: لحظه وبتشوفين

قامت شوق وراحت لورود
شوق: اخت ورود لو سمحتي مكانك مو مناسب ابدا
ورود: ليش ان شاء الله
شوق: بنصور فيديو مااعتقد تبين تطلعين لنا بعد بالشريط صح؟
ورود بنفاذ صبر: اووكي
شوق : اقول قومي حبيبتي غيري مكانك وبعدين يمدحون الرزانه والعقل هاالايام

راحت وجابت الكاميرا الفيديو وقامت تصورهم بعدين مازن اخذها وكمل عليها....رجعت لريناد وهي تضحك
ريناد: شسويتي البنت قامت والوانها متغيره 180 درجه
شوق: هههههههه تستاهل جزاها هالللي ماتستحي
وعلمتها شوق بكل شئ
ريناد: والله منتي هينه ياشوشو
شوق: افا عليك يارورو اعجبك انا
ريناد: الله يخلف عليك
شوق: وعليك
ريناد: خبله ماتتركين حركاتك


ويوم السبت في المدرسه ......
قامت ريناد من مكانها سحبت شوق يدها ورجعتها مكانها....
شوق: اجلسي الحين تجي المعلمه
ريناد وهي تطالع ساعتها : 8 وربع لو بتجي كان جات الحين بتخلص الحصه قومي نطلع نشم هواء مليت
بالفعل طلعت المعلمه المنشوده غايبه لهذا انتشروا البنات مثل النحل بره الفصل والازعاج مايحتاج وحده تضحك الثانيه تصارخ الثالثه تغني وهذيك تدق عالطاوله مسويه تشجع

شوق وهي ترفع يدينها : ايييييييه كذا حريه يارب كل يوم تغيب
طلعت المعلمه من الفصل اللي مقابلهم وكان فصل هبه وورود
طلعت ورود اول ماشافتها ريناد تذكرت مازن والكلام الله قاله وانه كلمها وطلب من هبه تصالحها...وعورها قلبها ....
ورود طالعتها بسخريه وتحدي وراحت عند فصل فطوم بنت خالتها والثنتين يتهامسون ويطالعوا ريناد اللي حست انها بتنفجر مو طايقه وجود هاالثنتين.....

شوق: جد سخيفين باروح اكلمهم
سحبتها ريناد من يدها وقالت ببرود: وين بتروحين ياشوق خليهم براحتهم مالنا دعوه فيهم
شوق: اوووق هالسخيفه ورود ماكفاها اللي سوته فيك وفي عمي طالعي نظراتها الحقيره
ريناد: تعالي ندخل الفصل
جلسوا الثنتين مقابل بعض في الفصل
ريناد: مازن قال لي شئ يوم ملكه هبه
شوق: متى كلمك؟
ريناد: لما طلعت من غرفه هبه وقال لي شئ ...
شوق: شئ ولا اشياء؟
وغمزت لبنت عمها
ريناد: يالخبله أي اشياء بس شئ اهم من كل الاشياء
شوق: قولي ...
ريناد: تدرين ان ورود ماعندها ولاصوره لي وكانت بس تبي تهددني وتخوفني حتى ابعد عن مازن
شوق: لاتقوليين جد؟
ريناد: والله مازن كلمها واعترفت له
شوق: جايز تكذب
ريناد: مااظن تعرفين مازن شنو بالنسبه لها وانا عارفه انه حيال الظاهر ممثل عليها دور ولد خالتك مو هين ياشوق
شوق: اوووووه اذا كذا صح...بس خبله ... كل هاللي صار فيك وفي عمي وباالاخير ماعندها شئ باروح اهاوشها
ريناد: اووووه ياشوق خليها تفكر نفسها الذكيه ماتدري ان احنا كاشفين الاعيبها وطلب من هبه تراضيها
شوق: بعد؟؟ ليش؟
ريناد: هالللي مو قادره افهمه
شوق: يمكن حتى تعرف الاعيبها وناخذ حذرنا منها
ريناد وهي تتنهد: ااه ياشوق مادري مادري

............................


بعد اللي صار في بيت ام مازن ..

كيف بتكون علاقة مازن وريناد؟؟

وهل ياترى بتكون من نصيبه ويتحقق كلام امه وخالته؟؟

وكيف بيقدر محمد يتعايش مع الوضع الجديد ؟؟

وهبه ايش بتكون رده فعلها اذا شافت الصد من محمد؟؟

بتستلم ولا بتكمل معاه؟؟

وحمل خلود بيطلع حقيقي ولا؟؟

خلص محاظراته الساعه 9 طلع وهو رافع يده..ونااسه طالعين بدري رمي كتبه واللاب كوت الابيض في السيت اللي ورا وحرك بسيارته...وشغل نوال الكويتيه تهددني هههههه مغبر انا ووجهي....

رن جواله وكانت هبه....ايش فيها بعد متصله هالوقت......



محمد: الو

هبه: هلا محمد

محمد: اهلين اخبارك؟

هبه: بخير وانت شلونك؟

محمد: بخير الله يسلمك ورا متصله هالوقت

هبه : ...........اسفه باي

محمد: ههههههههههه تعالي امزح وياك

هبه: هذا مزح يامحمد؟

محمد: هبه لاتصيرين حساسه...بس المفروض تكوني بالمدرسه

هبه: أي مارحت

محمد: ليش عسى ماشر؟

هبه: تعبانه شوي

محمد: سلامات شفيك؟

هبه: فلونزا بسيطه..مافيني شئ

محمد: الحين فلونزا وتقولين بسييطه ؟ انا امرك الحين طيب

هبه: جد محمد؟

محمد: أي يلا مسافه الطريق باي

هبه: باي



10 دقايق وصار في بيت خالته دخل ولقى ام مازن بالمطبخ..

محمد: السلام عليكم

ام مازن: وعليكم السلام هلا ولدي محمد

محمد: هلا فيك خالتي شلونك؟

ام مازن: الحمدلله شلونك وشلون خواتك وامك؟

محمد: يسلمون عليك خالتي ليه تتعبين نفسك في المطبخ اتركي الخادمه تسوي كل شئ

ام مازن: مليت ياولدي من الفضاوه قلت خليني اشغل نفسي

محمد وهو يحب راسها: راحتك اهم

ام مازن: الله يسلمك محمد

محمد: ها وين هبه ؟

ام مازن: في غرفتها مو قادره تقوم من السرير مريضه

محمد: أي قالت لي سلامتها انا طالع لها من بعد اذنك

ام مازن: خذ راحتك يامحمد البيت بيتك



دخل غرفتها ولقاها عالسرير جالسه ومتسنده عالمخده ...ولابسه بيجامه ورديه حرير ورافعه شعرها مثل ذيل الحصان....

محمد وهو يجلس مقابلها عالسرير: مرحبا

هبه ببتسامه: هلا محمد....

محمد: كيف صرتي الحين؟

هبه: احسن من اول

حط يده على راسها يتحسس حرارتها

محمد: لا الحمدلله مافيك حراره

نزلت راسها وشبكت اصابع يدها

هبه: محمد

محمد: هلا

هبه: اشتقت لك

طالعها وهو محتار.....ماتوقع هالكلمه اللي قالتها...ياربي هبه اكيد انها تحبني ..بس كيف احسسها بالحب

فاقد الشئ لايعطيه.....بس هي يتيمه حرام المفروض مااصدها واهمل مشاهرها لازم احيطها باهتمامي لين يجي يوم واحبها .....رغم ان هالشئ حاليا مستحيل....

هبه: في ايش تفكر؟

محمد وهو يبتسم: فيك ماعندي حد أفكر فيه الا انت

هبه: جد محمد؟

محمد: أي.....اممممم أي وبكره بتروحي المدرسه؟

هبه: اذا قدرت

قام من مكانه وهو يطالع اركان الغرفه...طاحت عيونه على صوره الى ابومازن معلقه عالجدار وقف دقايق يطالعه...الله يرحمه كان رجال طيب الكل يمدح في اخلاقه وطيبته ....



لف الا هي تطالع الصوره والدمعه على خدها..انصدم اول مره يشوفها تبكي وحزينه كذا..راح وجلس جنبها ومسك يدها....

محمد: ليش تبكين؟

هبه: تمنيته يكون معاي ويفرح لي...

محمد وهو يمسح دموعها: ماابي اشوف دموعك مره ثانيه اوكي؟

هبه وهي تحط يدها الثانيه على يده: محمد..باقولك شئ

محمد: قولي

هبه: محمد انا احبك هالشئ من زمان اوتعيت للدنيا وابوي متوفي وماشفت حولي الا مازن وامي...حسين بفراغ كبير كنت ابي يكون لي ابو مثل باقي البنات...وبعدين لاحظتك حسيتك غير طيب وحنون حبيتك غصبا عني..

قلت محمد هو الوحيد اللي بيعضوني عن حنان ابوي....و

ماقدرت تكمل لانها بكت اكثر ورجعت راسها عالمخده....

محمد: هبه....خلاص اللي راح راح وعمي ابو مازن الله يرحمه...وعسى ان تكرهوا شئ وهو خيرا لكم تدرين انه كان مريض مات وارتاح ياهبه....الحين انا معاك والله يقدرني واسعدك

هبه: يعني ماراح تتخلى عني مهما صار؟

محمد وهو مبتسم : دامك صرتي لي ..مستحيل اتخلى عنك مابتكونين لحد غيري

هبه: الله يخليك لي ولايحرمني منك يامحمد...

محمد: طيب هبه انا استأذن الحين

هبه: وين بتروح؟

محمد: من زمان مامريت عالشركه باروح اشوف بعض الامور واساعد الوالد اذا محتاج مساعده

هبه: طيب لاتقطع

محمد: ان شاء الله...بادق الليل اتطمن عليك

هبه: اوكي

محمد: يلا باي يادلووعه

هبه: هههههه باي



طول الطريق وهو يفكر ويفكر فيها....معقوله هبه تكون حبوبه وطيوبه وانا ماادري...الكلام اللي قالته اليوم حسسني انها ضايعه ومحتاحه لحد يوقف جنبها ويساعدها....واختارتني انا..مسؤوليه كبيره باكون قدها؟ واقدر اسعدها ؟؟ يارب ساعدني



وقف سيارته في الباركينج ونزل وكالعاده دخل على مكتب عمه ابوماهر من دون اذن السكرتير....

السكرتير: اخ محمد لو سمحت

محمد: شنو ياتركي؟

السكرتير: ابو ماهر مشغول شوي

محمد: يعني؟

السكرتير: اخذ الاذن منه بعدين تدخل

محمد: يااخي انت ناسي ان جاسم محمد على سن ورمح يطلع عمي

السكرتير: العفو يامحمد مانسيت لكن..

محمد: خلاص لاتكثر انا داخل

تنهد السكرتير مل منهم هو وبشار ومازن اللي يشتغل معاهم احيانا....ويتركهم يدخلوا ويطلعوا براحتهم...



محمد: لا لا مو معقول الحلو الابيضاني هنا من متى؟

ضحك عليه عمه وشال النظاره عن عينه....قرب منه محمد وحبه على راسه

محمد: عمي ليش تاعب نفسك كان جلست في البيت

ابوماهر: يامحمد تكسرت ظلوعي من هالسرير..قلت اجي اشوف رزقنا

محمد: ابوي وماهر موجودين حتى مازن مايقصر يمر بين فتره والثانيه...

ابوماهر: أي مايقصروا بس هذي انانيه ابوك يامحمد يتعب كثير ويكرف في العمل وماهر يتحجج صاير كسوول

محمد: هههههههه ليش؟

ابوماهر: مره يقول باروح اودي حور الموعد ومره بيروح السوبرماركت ومره تعبان ومواصل من امس بصراحه زهقت من اعذاره

محمد: هههههههه غريبه ايش جاه كان يحب الشغل

ابوماهر: تكيسل بعد شنو الا تعال صدق جاي بلبس كاجوال

محمد: هههههههههههههههههههه توني مخلص محاظراتي قلت امركم طماشه لاغير

ابوماهر: أي واخبارك مع خطيبتك؟

محمد: ماشئ الحال عمي...

ابوماهر: داريها ياولدي تراها يتيمه

محمد: لاتوصي حريص ياعمي..ماهر في مكتبه؟

ابوماهر: أي انا عارفكم الحين تروح له وتجلسون ضحك ومسخره

ضحك بصوت عالي بس سكت ووقف لما سمع حس ابوه وهو يدخل المكتب معصب

ابومحمد: انت يالثور

محمد: هلا بقمرنا الثاني

ابومحمد: ماشاء الله لاوجالس عالمكتب بعد قوم عن عمك قووم

محمد: افا يالغالي ليه معصب

ابومحمد: ياسلام وبنطلون بعد لابس ....ورا مارحت الكليه

محمد: يبه رحت وطلعت كان عندي كويز

ابومحمد: أي ماده؟

محمد: انجليش

ابومحمد: عسى قدمت فيه زين

محمد: يس

ابومحمد بلكنه انجليزيه متقنه : نايس...فري نايس ماي سن

ابوماهر: ياخوي حياة الغربه اثرت على لهجتك

ابومحمد: هههه ....لاتنسى يااخوي عايش 3 سنوات هناك مع خلود وخالها ولما تطمنت عليها رجعت

محمد: تتطمن 3 سنوات؟ حششششى صدق دبه خلودوه اخذت كل الدلع والاهتمام

ابومحمد: بتحسدها بعد المسكينه

محمد: لابس قضيت عمرك تدلع بناتك وانا مالي شئ يعني؟

ابومحمد: توني شباب لاحق انت عالدلع

محمد: أي شباب راحت عليك يبه

ضرب ابومحمد بيده عالمكتب حتى صدر صوت عالي...ضحك عليه اخوه ومحمد بعد عنه

محمد:ماقلنا شئ شباب وسيد الشباب خلاص

ابومحمد: أي هذا هو الكلام العدل بعدني شباب

محمد: ها الحلو ناوي يتزوج؟

ابومحمد: انا؟؟؟؟؟؟


لما شاف نظرات ابوه المعصب طلع بسرعه من المكتب وسمع وراه ضحك الاثنين....راح لمكتب ماهر كان الباب مفتوح شوي...شاف ماهر ماسك جواله ويكلم وهو واقف عند النافذه الكبيره اللي ماخذه معظم مساحه الجدار....

دخل بخفه بحيث مايسمعه ماهر ولما صار قريب قدر يسمع كلام ماهر بوضوح.....
ماهر: والله احبك حور انت شفيك ليه مو مصدقه
محمد بدلع: وانا احبك اكثر
لف وراه على طول وعبس بوجه محمد...اللي ضحك مع ضحك اخته اللي سمعت حسه....
ماهر وهو يرجع يكلم حور: تضحكين ها؟؟؟ بالبيت اوريك
حور: ههههه سلم عليه قوله واحشني
ماهر: ياليت اوحشك قد مايوحشك هالدب
حور: شسوي بعد احب هاالاخو مره
ماهر: ليش هو من بد بيتكم
حور: محمد سبيسيال يعني
ماهر: اوووه يلا حوريتي ايش مسويه الغداء
حور: كبسه بتاكل اصابعك وراها
ماهر: بس بس ميت بدون شئ
حور: سلامتك ياقلبي ....خلص شغلك وتعال مو تتأخر
ماهر: من عيوني ...شوفي ترى اخوك يغمز ياتلحقين يااذبحه
حور : يووووه كان اذبحك
ماهر: تعاونتوا علي عيال عبد الله يلا رووحي
حور: هههه يلا حبيبي انتبه لنفسك
ماهر: اوكي باي سي يووو

سكر وراح جلس ورا مكتبه ولف عالكرسي بخفه
ماهر: ايش اللي جابك
محمد: مشتاق لكم
ماهر: الا من الفضاوه
محمد: بهذي ياماهر صدقت اقطع نفسي من الفضاوه
ماهر: يااخي اشغل نفسك بمرتك ودراستك
محمد: اييييه

نزل محمد راسه يطالع الاوراق اللي عالمكتب
ماهر: شفيك تقولها من غير نفس
محمد: سلامتك
ماهر: محمد انت مو مقتنع بهبه؟
محمد: من قال
ماهر: حاس بهالشئ
محمد: مالي رأي في هالموضوع اللي صار صار وهي الحين على ذمتي
ماهر: يعني مبسوط ولا لا؟
محمد: الحمدلله على كل حال احاول اتأقلم مع الوضع الجديد وان شاء الله خير
ماهر: الله يوفقكم
محمد: جميعا يارب

.................

حملت شنطتها ومسكت يد شوق وطلعوا من الفصل....

ريناد: اووف اليوم طويل
شوق: علشان الرياضيات اخر حصتين اوووه اكرهه
ريناد: بالعكس حلوو مره انا احبه
شوق: حبك برص في ليله العرس يلا خلصيني
ريناد: ههههههههههه

طلعوا من الفصل وهم ينزلون..كانوا بنات وراهم ميزوا اصواتهم على طول ورود وفطوم
فطوم: ههههههه وكلمتيه ورود؟
ورود بدلع: مين مازن؟ افا عليك هو اللي كلمني والله

تجمعت الدموع بعين ريناد وضغطت على يد شوق...لكن شوق عصبت وماقدرت تستحمل اكثر اللي يصير في توأم روحها ريناد وراحت لورود
شوق: تدرين انك قليله ادب
ورود: احترمي نفسك وعن الغلط
شوق: ولك عين تتكلمين بعد عن الغلط اسمعيني انا طنشتك مو لسواد عينك علشان ريناد بنت عمي ماابي لها المشاكل لكن الحين لا والف لا
ورود: ههههه ايش بتسوين يعني؟
شوق بعصبيه: شوفي ياسخيفه ان شفتك مره ثانيه تتكلمين عن ولد خالتي مازن وريناد قسما بالله بتشوفين شئ مايسرك
ورود: وفري كلامك لنفسك
شوق وهي تطالع ورود باحتقار: معاك حق باوفر كلامي لنفسي لان وحده مثلك ماراح تفهمه...الله يهديك بس باقولك شئ..مازن يحب ريناد فــ وفري تعبك ياحلووه مستحيل يفكر يطالعك اووكي واطلعي بكرامتك من السالفه

تركت شوق ورود اللي معصبه ضربت الارض بجزمتها ومشت مع فطوم اللي كانت ساكته ولاتدخلت اصلا

ريناد والعبره خانقتها: ليش سويتي كذا؟
شوق: انت شفيك تبيني اسكت عليها مااقدر
ريناد: يمكن كلمها مره ثانيه
شوق: متى بتفهمين انه يحبك
ريناد: طيب يحبني ليه يكلمها
شوق: كلمها مره وحده علشانك ياخبله
ريناد: ايش اللي يضمن لك انه ماكلمها مره ثانيه
شوق: لهالدرجه طايح من عينك وين الثقه
ريناد: بعد اللي سواه وتبيني اثق فيه مااقدر
شوق: الله يهديك يلا نطلع
لبسوا عباياتهم وطلعوا....
شوق: وين سواقكم؟ جاء؟
طالعت ريناد السيارات ولمحت سياره شبح سوداء وعليها مخفي ( تضليل ) نزل منها واحد..تعرفه او باالاحرى شايفته من قبل....ايه ايه تذكرت هذا صديق محمد اللي شفناه في البحرين
شوق : وي وي خيبه رينادوه شوفي هالخبل اللي يطالعك ويبتسم
ريناد وهي تلف لشوق: شوق هذا صديق محمد
شوق: صديقه؟ كيف عرفتي؟ وبعدين ولامره شفته في بيتنا
ريناد: بالبحرين شافه محمد وسلم عليه اظن اسمه..امممم أي كأنه قال بدر
حرك بدر سيارته ومر جنبهم وهو حاط اغنيه جواد حلو التقاسيم


شوق: اووف منه مايستحي على وجهه وين سواقكم هالخبل . تدري تعالي معاي اوصلك البيت
ريناد: يلا
صعدوا السياره بسرعه.....
شوق: عثمان حرك بسررعه
عثمان: ايس فيه ماما؟
شوق: اوووه عاللقافه مالك شغل عثمان كوكلي بلييز
عثمان: اوكي اوكي مس شوق
انطلقوا وبدر وراهم بالسياره
ريناد وهي تلف ورا: ياربي شوق ورانا هذا ايش يبي
شوق: مايستحي على وجهه مايخاف لو قلت لمحمد
ريناد: لا لا مانبي مشاكل خليه الحين يمل
شوق: لازم نتوهه لايعرف بيتكم
ريناد: يعني؟
شوق: عثمان روح باسكن روبنز
عثمان: الحين؟
شوق: أيوه بسرعه

بالفعل دخلوا لفات وشارع لين ماضيعوه
شوق: اووه افتكينا منه
ريناد: بجد سخيف
شوق: الله يهديه بس

......................

بعد مارجعت ريناد من المدرسه تغدت عالسريع وصعدت غرفتها تريح...حاولت تنام رجعت شعرها بضيقه عالمخده ويدها تحت خدها...تفكر هالمهنه اللي تمارسها ليل نهار وعلشان من؟ علشانه مستعده تفكر طول العمر..
لكن يحس بهاالتضحيه؟ تأثر فيه؟؟ تحرك داخله شئ؟؟
اجاباتها كانت كلها لا...اييه وين يحس مازن وانا بعالم وهو بعالم ثاني ..افكارها وسوست لها بأنه يكلم ورود الحين وسوالف وضحك معاها ..مسكت شعرها بعصبيه حتى تطرده من افكارها...
وطاحت دموعها الونيس الوحيد لها...لامستحيل مازن يكلم غيري ويحب وحده ثانيه...لااا باموت ان سواها مازن...ياربي ليش افكر فيه والحين هو حاط لي طناش؟ نساني؟؟...اااه والله مادري
قامت ووقفت مقابل المرايه وتلمسحت اثار الدموع على خدها... تعبت من الدنيا كل شئ فيها ضدي متى برتاح؟
سمعت دق عالباب مسحت دموعها بسرعه وراحت فتحت الباب....
بشار : ريناد نايمه؟
ريناد: لاصاحيه ادخل
فتح الباب كله ودخل وبيده قطوتها...اللي من شافت ريناد نطت عليها ضحكت عليها ريناد وحضنتها
ريناد: من وين جايبها
بشار: حرام عليك بتموت راميتها بره في الحديقه اخذها مني محمد والحين رجعها
ريناد: اشتقت لها والله
بشار: عمي تحت انزلي سلمي عليه
ريناد وهو تحط القطوه عالسرير : طيب
بشار وهو يحط يده على كتف ريناد: فيك شئ؟
ريناد : سلامتك
بشار: بتكذبين علي وانا اقرب الناس لك وافهمك عل طول..شوفي حتى ابتسامتك بارده مالها معنى
قرب منها اكثر وحس بأثار دموع وعرف انها كانت تبكي خاصه ان عيونها صايرين حمر...
بشار: ريناد كنت تبكين؟
نزلت راسها وحاولت تمسك نفسها قبل ماتبكي مره ثانيه..ولكن محال بكت وهي تحاول كتم صوتها قرب منها وحضنها..تمسكت بكتفه بقوه وارتفع صوتها..ماتدري ليش تمنت في هاللحظه امها تكون معاها ..
بشار: ريناد شفيك؟ هدي نفسك
ريناد: امي....بشار ابي امي
بشار: الله يرحمها...ايش اللي جابها على بالك الحين بس ياريناد
لمحت طرف ثوب ابيض رفعت راسها ولقت ماهر وعينه تلمع تلمح بنزول دمعه حايره..من شافته قامت من عند بشار وراحت لحضنه..حاول يخفف عليها ويمسح على شعرها
ماهر: ادعي لها بالرحمه ياريناد
ريناد بصوت متقطع: ..وحشتني......ابيها..ابيها
ماهر: استفغر الله بس ريناد حبيبتي كفايه دموع
بعدت عنه وجلست عالسرير ومسحت دموعها...
ماهر: ريناد اللي تسويه بنفسك مو زين..الوالده خلاص راحت الله يرحمها..انتوا بس ادعوا لها باالرحمه والمغفره
حركه راسها بايجاب
قرب منها بشار ومسك خدها بخفه
بشار: رينادووه يالدبه تدرين انك لما تبكين تصيرين احلى
ضحكت وحست باالطمأنينه لان اخوها وصديقها بشار جنبها ومعاها عالحلوه والمره ونفس الشئ ابوها الحنون الثاني ماهر مايقصر..
ريناد وهي تحول نظرها من واحد للثاني: تدرون اني احبكم موت
ماهر: من قدنا الدلوعه تحبنا يلا قومي سلمي على عمك
ريناد: طيب من عيوني
بشار: انا بطلع مع محمد بنروح نلعب بلياردو تعال معانا ماهر
ماهر: ايييه زمان عن القهاوي والاستراحات واللعب من عرست ابتلشت في الحرمه
بشار: اسكت لاتسمعك وتذبحك
ماهر: ههههههه وهي تقدر خلاص ابدل ملابسي واجي معاك
بشار: اوكي مو تتأخر

.....................

كانت جالسه جنب امها...يشاهدوا فلم اجنبي...لفت على امها لقتها مندمجه..
شوق وهي تحط راسها على كتف امها : يمه
ام محمد: هلا
شوق: وين محمد؟ نايم؟
ام محمد: أي نايم مر اليوم بيت خالتك
شوق: يؤؤ جد ليش؟
ام محمد: بنت خالتك هبه مريضه راح يزورها
شوق: زين والله .....اقول يمه
ام محمد: نعم
شوق: ابي فلوس من زمان مارحت السوق
ام محمد: اسكتي طيب
شوق: اووووه يمه
ام محمد: ومصمه ان شاء الله خير
شوق: كله تزفيني باروح انام احسن لي
ام محمد: احسن لك ولي خليني اتابع الفلم
شوق: يمه فديتك صحيني قبل ماتنامين طيب؟
ام محمد: خلاص روحي نامي

صعدت شغلت المكيف ودخلت تحت البطانيه ...ابتسمت ياسلام محلى الجو البارد والنوم فيه احلى واحلى...طاحت عينها على جوالها فتحته لقت فيه مكالمتين من بشار.....مع مسج

(( شوق كلمتك الظاهر نايمه...المهم متى ماصحيتي دقي علي ضروري...))

دقت عليه وهي خايفه خير اللهم اجعله خير
بشار: هلا شواقه
شوق: بشار فيك شئ؟
بشار: بسم الله لاياقلبي مافيني شئ هههههههه
شوق: يابرووودك روح اجل باي
بشار: لا لا تعالي تكفين مابغيت اسمع صوتك
شوق: شنو؟
بشار: شفيك شوشو؟
شوق: مافيني شئ ايش كنت تبي؟
بشار: أي صح كنت ابيك تصحيني من النوم الساعه 12 الليل علي بكره اختبار
شوق: اوكي تم
بشار: مشكوره قلبي يلا سي يوو
شوق: سي يو باي

..................

الساعه 10 جات امها تصحيها ولكنها كالعاده عيت تقوم من النعس...ملت منها امها وتركتها ترجع تنام...
الساعه 11 ونص قامت من السرير وهي تحس بألم في بطنها ضغطت بيدها على بطنها وغمضت عينها
اييييي ايش هاالالم المفاجئ...شربت كاس ماي وحاولت تهدي نفسها اخ يابطني مابرجع انام حتى اصحي بشار مسكين لاتروح عليه نومه.....
حاولت تقوم من السرير بس رجعت..ماقدرت من الالم اللي قاعد يزيد
صرخت بصوت عالي

شوق: الحقووووووووني باموووت

وقف لما سمع صوتها كان جالس بالصاله اللي فوق يشاهد تلفزيون ركض وفتح باب غرفتها لقاها تتلوى من الالم وراميه نفسها عالسرير
محمد وهو يروح لها ويرفعها: شوق شفيك؟
شوق : محمد......بااا...باموو وت بطني
راح لغرفه امه وابوه دق الباب وهو مرتبك مو عارف يتصرف ايش يسوي
ابو محمد: خير يامحمد فيكم شئ؟
محمد: يبه شوق مادري شفيها..تصرخ بطنها يألمها

...........

اوتعى من النوم لف عالناحيه الثانيه يطالع الساعه 12 ونص يووووووو تأخرت نص ساعه قام بسرعه اخذ له شور سريع وجلس على مكتبه واخذ كتابه وبدأ يذاكر...بس ليش شوق ماصحتني اكيد الدبه نايمه...
خليني اشوفها دق عليها مرتين وماردت...كشر والخوف بدأ يتملكه..شوق نومها مو ثقيل وترد دايركت لما اتصل....
خليني اجرب مره ثانيه ونفس الشئ.....طلع من غرفته وانتبه ان نور غرفه ريناد مشغل دخل لقاها ماسكه كتاب الكيمياء
بشار: تذاكرين
ريناد وهي تسكر الكتاب بسرعه: بسم الله خرعتني اووووف دق الباب طيب
بشار: اسفين رقيقه هانم شتسوين؟
ريناد: علينا بكره مراجعه كيمياء لهذا اذاكره
بشار وهي يجلس على سريرها: اقول رينادوه
ريناد: ها خير؟
بشار: ادق على شوق ماترد
ريناد: مو عيب عليك تدق عالبنت في انصاص الليالي والله عيب عيييييييب
بشار وهو يقلد صوتها: والله عيب عيييب ...(وبعصبيه) شفيك انت مافيها شئ بنت عمي وخطيبتي رينادوه يابروودك انا خايف عليها اول مره ماترد علي
ريناد وهي تاخذ جوالها: بس بترد علي بتشوووف
اتصلت ومامن مجيب ...
ريناد وهي مكشره: ماترد
بشار: شفتي كيييف دقي عالبيت
ريناد: لا مجنونه الوقت متأخر الساعه وحده الا ربع الفجر تخيل اتصل
بشار: اوووف بتتصلين ولا اروح لهم البيت
ريناد: هيه هيه عن الجنون تفضحنا قدام البشريه بادق عالبيت امري الى الله
دقت ورفعته الخادمه بلغتها انهم اخذوا شوق للمستشفى.....سكرت وهي مفتحه عيونها ويدها على فمها..هو بدون شئ خايف ولما شافها كذا جن جنونه
بشار: شصاير تكلمي
ريناد: بالمستشفى
بشار: شلووووووووووووون؟ شفيها شوق
ريناد : مادري..مادري الخادمه قالت لي اخذوها للمستشفى كانت تصارخ بطنها يألمها
تنهد ولف عالناحيه الثانيه..حبيبتي شوق شفيك شصار معاك...ياربي الحين تتألم يالته فيني ولافيك
ريناد: دق على محمد وشوفهم
اخذ جوالها من يدها ودق على محمد
بشار: الو....هلامحمد..ماعليك مني اهم شئ انتوا ....شفيها طيب...قوول بسررعه...ايوه وبعدين....لاتقوووووول جد؟؟......وخلصوا العمليه
من سمعت طاري عمليه طاح قلبها في بطنها ودمعت عينها...ماحست الاعلى بشار وطيف ابتسامه على وجهه..طالعته بنص عين شفيه هذا جن البنت مريضه وهو مبتسم الله يخلف بس....يمكن جن؟؟تتوقعوا؟؟

بشار: الزايده....بطنها يأملها من الزايده دخلوها من شوي غرفه العمليات
ريناد: بشار مو خطيره العمليه؟
بشار: لاابدا الحمدلله....
تنهدت وجلست عالسرير
ريناد: ياربي خفت عليها ..مااتخيلها عالسرير ومريضه فديت بنت عمي نروح لهم؟
بشار: ودي اشوفها اااه لكن مايصير نطلع في هالليل بعدين انا علي اختبار
ريناد: شفيك بشار شوق بالمستشفى وانت تفكر في اختبارك؟
بشار: اوووه يالله كيف البنات يفكرون يااختي ياعزيزتي ياملقوفتي قلت لك البنت مافيها شئ بخير اشقق ملابسي يعني وابكي مثل الحريم حتى تعرفين اني احاتيها اكثر منك....
ريناد: خلاص خلاص لاتاكلني مع وجهك بس...
قاطعها: بس ولاكلمه .....
ريناد وهي تحضنه : اوه حووبي بشار ماباروح بكره المدرسه ممكن؟ابغى اروح لشوق
بشار: ان مابعدتي عني الحين وسحبتي كلامك هذا اقسم بالله شفتي راسك اطيره من مكانه فاهمه قالت ماتبي تروح قالت
ريناد: اوووووف انزين
وطلعت من غرفتها وهو طلع وراها راخ لغرفته....وقامت تتمشى في البيت..شوقوه الدبه كيف باروح المدرسه بدونك نط في بالها مازن مسكت راسها..يعني لازم بكل سالفه ناط لي بالوسط اتمنى تمر دقيقه وحده بس ومايجي طيفك في راسي...اه متى بس بنساك..
نزلت الدور الارضي طالعت البيت بملل اووف زهقانه اذاكر وزهقانه من كل شئ وين اروح؟؟..
تمشت شوي في بيتهم الواسع اللي تخاف احيانا من وساعته وخاصه في الليل والدنيا ظلام...
مرت على غرفه كانت في يوم من الايام احب الغرفه لقلبها ...مرسمي الخاص ماانكر احب الرسم بس كرهته والسبب ان مره المكيف حق المرسم صابه التماس كهربائي وهي ترسم كانت بتصير حريقه كبيره لولا ان اخوانها تداركوا الموضوع..من يومها صارت تخاف تدخله...
شكلي برجع للرسم أي ليش لا اخلي ابوي يختار لي ديكور جديد..ااه بشغل نفسي بأي شئ حتى انساك او اتناساك يامازن...
صعدت الدرج وهي تركض وصلت لغرفتها ورمت نفسها عالسرير بنطه قويه حست منها ان شئ انكسر....توقفت حركتها...لااااااااا غبيه من جد غبيه......
قامت ولقت جوالها الهمر صار قطعتين ...انكسر الباب حقه بعصبيه شالته وشالت منه البطاقه(الكرت ) ورمت الجوال بالدرج اللي قاهرها انه هديه من بشار في عيد ميلادها...
امممم عيدميلادي متى تقريبا امممم بعد 5 شهور اسوي حفله؟؟حفله وانا حزينه وضايعه..راحت وقفت مقابل المرايه تطالع كومه الحزن المتشكله في انسانه مررت اصابعها على وجهها...
ارتجفت شفايفها ونزلت دمعتها ..حياتي دونك يامازن ولاشئ....كل شئ ماله طعم ولالون...
كنت بالنسبه لي الحبيب والصديق والام وكل شئ ..اذا تضايقت كنت اشكي لك وتنسيني كل همومي وتواسيني اما الحين كل شئ رجع مثل قبل واخس.....
راحت للسرير وحطت راسها واستسلمت للنوم...

.......................




خططت تسوي اختبار الحمل المنزلي وسوته فرحت من النتيجه مثل ماتوقعت سلمى انا حامل....لازم اخبر ناصر بس مو الحين...انتبهت لجوالها اللي يرن
خلود: الو
محمد: هلا خلود
خلود: هلا محمد اخبارك
محمد: تمام وانت
خلود: كويسه..غريبه داق علي هالوقت
محمد: اختك شوق بالمستشفى
خلود: شفيها اختي؟؟؟؟؟وفجأه ارتف صوتها : تكلم
محمد: بطيتي اذني عاد تعبت علينا امس الليل واخذناها المستشقى وطلعت وياها الزايده
خلود: صحيح؟
محمد: أي والله
خلود: كيف صارت الحين؟
محمد: بخير لو تشوفينها ساكته وهاديه على غير العاده هههههههه
خلود: اوه حمود يلا عاد لاتسخر عليها انتوا بأي مستشفى؟
محمد: في الـ ـــــــــــ
خلود: خلاص انا بسأل الاستعلامات هناك واجي لكم
محمد: طيب يلا سلمي على ناصر
خلود: الله يسلمك باي
محمد: بايات

.....................

رجع بشار من الجامعه وتفكيره مشتت حتى الاختبار ماحل فيه زين لان فكره مشغول بها...
ريناد صحت من النوم الساعه 6 ونص الصباح تمللت تروح للمدرسه لذلك رجعت تنام حاولت حور تصحيها لكن ماقدرت....

دخل الصاله لقاها فاضيه وينهم....امممم اكيد حور في المستشفى ادق على ابوي اشوفه
بشار: الو يبه
ابوماهر: هلا بشار خير فيكم شئ؟
بشار: لايبه مافينا شئ بس وينك
ابوماهر: اتمشى تصدق بعد وين بالشركه
بشار: هههههه مابترجع البيت؟
ابوماهر: مابرجع عندي شغل اختك رجعت من المدرسه؟
بشار: ماراحت اصلا يبه
ابوماهر: شلووون؟ انا موصي اخوك الثور يصحيها
بشار: هههههههههههههههههههه ويلي باموت
ابوماهر: صحيح فاضي ليه بعد ماراحت ليش لعب الثانويه
بشار: يبه عيت تقوم تقول نعسانه
ابوماهر: طيب انا اذا رجعت اتفاهم معاها
بشار: اوكي داد انا بتغدى وبروح مع ريناد لشوق المستشفى
ابوماهر: انا بس اطلع من الشركه بامركم...
بشار: اووكي فمان الله

يلا خليني اروح اصحي رينادوه حشى اخذت النوم كله ...دخل غرفتها لقاها مطفيه كل الاضواء ومكتفيه بضوء الشمس مع شمعه فواحه وواقفه تمشط شعرها المبلول
بشار: نعيما
ريناد: الله ينعم عليك
قرب من الشمعه وشالها عصبت منه وضربته على يده
ريناد: عيب بابا هذا مو للاكل هذا زينه
بشار: ههههههههههههاي بقره ابوي معصب عليك
ريناد: يمه ليييش
بشار: لانك مارحتي السكول
ريناد: اووه كنت نعسانه
بشار: عساه ان شاء الله يزفك ويحرجك
مسكت شعره وشدته بيدها
ريناد: لاتقول هالكلام اوووكي؟
مد يده وضربها في بطنها
ريناد: اييييييييييييي ياحمار ليش تضربني
بشار: حمار يالثوره هين انا اوريك
مسك شعرها وشده وهي تضحك
بشار: والله لاجرك لغرفتي حتى تتوبين ولاتمسكين شعري مره ثانيه
ريناد: أي لابشار تكفي اترك شعري تكفففى
بشار: انا حلفت ماراح ابطل حلفي عشان وحده دبه مثلك
تركها بالموت بعد ماصارخت
ريناد ويدها بشعرها: حشى مو يد جرافه
بشار: بل بل بل قل اعوذ برب الفلق من شر ماخلق
ريناد: ههههههههههه تغديت؟
بشار: اتغى لوحدي؟ مااعرف تعالي تغدي معاي
نزلوا وهم يتغدوا دخل عليهم ماهر وانضم لهم...

ماهر: سلام
بشار: وعليكم السلام
ريناد: يلا مشينا بشار
ماهر: وين وين؟
ريناد: باروح لشوق
ماهر: الحين عاد بدري
بشار: تعرف مسافه الطريق بعد
ماهر: اها براحتكم

قامت وتجهزت حطت لها جلوس وكحل وطلعت مع اخوها....وراحوا للمستشفى
في المواقف كان في واحد موقف سيارته بوسط الطريق وداق سوالف وبشار مفور من العصبيه
بشار: والله ناس فاضيه داق لي سوالف وبنص الشارع
لفت تطالع السياره ...يووه هذي مثل سيارته..دققت عللي جالس فيها الا هو مازن
ريناد ياندفاع: هذا مازن
طالعها مستغرب ورجع يطالع السياره: والله أي هو من العصبيه وهالحر ماركزت والله خلني انزل له
نزل بشار ودق عالسياره من ورا لف له مازن وابتسم...
مازن: ههههههههه بشار هذا انت اللي وراي
بشار: والله لو واحد غيرك كنت ذبحته هنا
مازن: اجل ربك ستر
صرف اللي جالس يسولف معاه ووقف سيارته وعلى يساره وقف بشار سيارته.....
توترت كيف انزل باكون قدامه دايركت الباب بالباب....فتح باب سيارته وشافها جات عينه بعينها لثواني قليله كسرتها بتكشيره ..
بشار: يلا ريناد نزلي
ريناد: اه اوكي اوكي
فتحت الباب ونزلت وراسها للارض
مازن: كيفك ريناد؟
ريناد: بخير تمام وانت؟
مازن: الحمدلله
بشار: يلا نصعد
مازن: يلا

مشوا قدامها وهي وراهم ...لفت نظرها شكل مازن المميز اليوم كان لابس كاب اسود وبلوزه سوداء وبرمودا بيج ..كان كله سبورت عالاخر...ابتسمت ويدها بيدها الثانيه...
فديتك يامازن فديييتك والله.....وسعت خطواتها وفجأه وقف بشار
مازن: ليش وقفت؟
بشار: نسيت اخذ باقه ورد
مازن: أي طبعا هذي الخطيبه
بشار: ها اجل ايش تفكر
كان وراهم دايركت وعند المدخل الرئيسي محل ورد وشكولاته وهالشغلات كهدايا للمرضى...
ريناد: هذا محل ورد
بشار: اوكي باوصيه على باقه
ريناد: اووه ابي اصعد لشوق
في هالوقت استغل مازن الفرصه وراح يطلب اللفت(المصعد)
بشار: روحي مع مازن باي
ودخل المحل...طالعت مازن بعصبيه هي عارفه اصلا حركاته...ابتسم لها بسخريه كان ودها تتقدم له وتنتف شعره ..بس فيه ناس وهذا العائق الوحيد..
مازن: ترى بصعد ان ماجيتي
دخلت اللفت وتعمدت توقف بعيده عنه...لاحظ لون بشرتها اللي قلب احمر دائما يتغير لونها لما تعصب
مازن: تدرين انك تصيرين حلوه لما تعصبي
طنشته ولا ردت عليه
مازن: اخبارك مع الدراسه؟
ريناد : ـــــــــ
مازن: وين لسانك اكلته القطوه
ريناد: ـــــــــــ
مازن: بذبحك ترى لاتحقرين
طلع من جيبه سيجاره وشغلها لاشعوريا سحبتها من يده
مازن: ليش؟
ريناد: تدخن مازن؟ ليييش؟
مازن: انت عارفه ليش
ريناد: لامااعرف ممكن تفهمني
مازن: انفخ فيها حرتي واللي احسه
نزلت راسها ....ورفعته مره ثانيه
ريناد: ماابي اشوفها معاك مره ثانيه
مازن: مسويه فيها يعني خايفه علي
ريناد: واذا؟
مازن: ياشيخه انا عارف انك ولاطاقه لي خبر تكفين ريناد جيبيها
ريناد: براحتك هاك خذها
ورجعت حطتها بيده
ووصل اللفت وطلعوا منه قبل مايدخلوا غرفه شوق رمى السيجاره في الزباله فرحتها حركته
ريناد: الحمدلله عالسلامه شوق
من شافت شوق نست كل شئ وراحضت حضنتها
شوق: الله يسلمك
رفعت راسها تطالع شوق بخوف
شوق: هههههه لاتطالعيني كذا مافيني شئ والله
ريناد: اكيد؟
خلود: احم لنا الله
لفت لها ريناد وابتسمت
ريناد: اسفه والله شفت شوق ونسيت الكل
راحت وسلمت على خلود وام محمد وام مازن الموجوده معاهم......
ام محمد: شلونك يمه ريناد؟
ريناد: تمام خالتي الحمدلله
ام مازن: ايش هالزين ياريناد والله كل يوم تحلين
ابتسم مازن لكلام امه.....لو تدرين يامه اني ابيها من بد هالبنات كلهم بس ولاهي حاسه بالنار اللي بقلبي مطنشتني......
مازن: ها يمه ارجعك البيت
خلود: شفيك مزون مستعجل خليها
ام مازن: لاياخلود برجع هبه لوحدها في البيت
حور: اجلسي خالتي ماشبعنا منك
مازن: ها يمه بتجلسين ولا؟
شوق: أي بتقعد
ام مازن: ههههههه خلاص مااقدر اقول شئ

انتبهت شوق لريناد المتوتره لوجود مازن..ومازن اللي يسترق نظرات لها كل شوي...
مادري لين متى بيبقون على هالحال ...
ام محمد: حبيبتي شوق تبين تاكلين شئ؟
شوق: هاه....لايمه شبعانه
ام محمد: مااكلتي شئ مايصير
شوق: مالي نفس
طلعت ريناد من شنطتها بسكويت اوريو اللي تحبه شوق مووت....
شوق: اوريو ييييس
ريناد: جبته لك اعرفك تحبيه
شوق: هاتيه
ريناد: لا انا بااكلك بنفسي بادلعك من قدك
شوق: ههههههههههه
راقبها مازن وهي تفتح العلبه وتأكل شوق اللي تضحك...
بصراحه اغاااااار أي حسيت بالغيره....ياحظها شوق لو انا مكانها بتأكلني ريناد؟
مااظن هالقاسيه تسوي لي شئ حتى لو اموت قدام عيونها ...ياربي معقوله ماحنت لي؟ ولا اشتاقت؟
ايش هالقلب اوووف ...لكن لا ريناد بترجع معاي مثل قبل ...ياانا يا هي

بعد قرابه النص ساعه استأذنت ام مازن وقام مازن يوصلها وراحت معاها حور وام محمد...
بعدهم جاء ناصر وتحمد لشوق بالسلامه وطلع من المستشفى مع خلود....
مابقت الا هي مع شوق وشوي جاء لهم بشار واستغل الفرصه ودق سوالف مع شوق....وشوي الا مازن يدخل عليهم...لفت رقبتها من سمعت حسه ماتوقعته يرجع ابدا.....اكيد وراه شئ
كان طول الطريق لهم مصمم على شئ لازم يسويه وترجع ريناد معاه طيبه مثل قبل لهذا رجع المستشفى
مازن: السلام
بشار: مزوون هلا وغلا حياك
مازن: ها يالحبيب ارتحت الحين
بشار وهو يطالع شوق: اكيد
ريناد وهي تحاول تلغي وجود مازن: ها بشار شقلت؟
بشار: اوووه ياريناد قلت لك بكره باخذ لك جهاز جديد مو اليوم
ريناد: حرام عليك جهازي انكسر ابقى كذا بدون جوال
أي يامازن هذي فرصتك خليني اتغدى عليها قبل ماتتعشى فيني...
مازن ببرود: انا عندي جهاز بالسياره مااستخدمه تبيه؟
بشار: لا بشار مايصير خليه لك اكيد بتحتاجه
مازن: لاياشيخ عادي ماابيه حرام ارميه وهو جديد....تعالي اعطيك اياه
ريناد فهمت اللي يقصده وراه شئ انا قايله خليني اشوف ايش يبي حرام كسر خاطري
ريناد: اروح بشار؟
بشار: روحي وفكيني
وهم باللفت نازلين
مازن: تغطي ريناد
ريناد: ليش
مازن: شنو اللي ليش بنمر عالرسبشن وهناك مليان شباب ورجال
ريناد: ماعلي منهم
مازن: اتركي العناد....يلا تغطي
ريناد: انت على أي اساس تتحكم فيني
مازن: ريناد لاتخليني افقد اعصابي اقوولك تغطي فاهمه
مسك ذرعها لانه بجد عصب من عنادها وطفح الكيل عنده
مازن: مو مازن اللي تعانديه ياريناد ومن اليوم ورايح بتسمعين كلامي اووكي

صاحت غصبا عنها وخافت وتغطت ....مالها غير هالحل
صعد سيارته اما هي انتظرته بره....فتح النافذه ونزل نفسه حتى يشوفها

مازن: تعالي
ريناد بعصبيه: ماابي
مازن: ههههههههه تعالي ابيك شوي
ريناد: قلت لك ماابي ماابيك مزوون روح عني
مازن: انزل اسحبك يعني
فتحت باب السياره وجلست وراسها للارض والعصبيه واضحه عليها....
ريناد: تدري حتى جوالك ماابيه خليه لك
لفت بجسمها حتى تطلع بس مسكها من يدها وحرك بالسياره......
ريناد: انت مجنون؟ وين بتوديني
مازن: المكان اللي ابيه
ريناد: لاتكفى مازن خليني نزلني ارجووك
مازن: شوفي هي فرصه وجات لعندي وقلت لازم اكلمك واليوم قبل بكره ..ريناد لازم نتكلم
ريناد: ايش نتكلم بعد...رجعني الحين بشار بيحاتيني ايش اقول له
مازن: انا باقوله رجعتك معاي البيت تجلسين مع هبه...وين تبين تروحين؟
ريناد بعصبيه: أي مكان مانكون فيه سوا....ماابي اكون وياك
مازن: من وين جايبه هالقسوه خبريني....ماكنتي كذا
ريناد: الظروف احيانا ياعزيزي تخلي الانسان قاسي
طنش جملتها الاخيره وحط اغنيه عبدالمجيد(عديم الشوق)
مازن: اسمعيها اهداء لك......

ايش يبي يقول لي...لهالدرجه الشئ ضروري...مجبوره اسمعه لازم اسمع وللمره الاخيره وباشوف ايش عنده والله يستر....
وقف عند البحر...ولف يطالعها
مازن: انزلي
بدون ماترد عليه نزلت وجلست مقابل البحر....دقايق وصار جنبها بعد صمت دام 10 دقايق نطق
مازن: ريناد احيانا الصمت يكون ابلغ من الكلام لكن للاسف لو سكتت ماراح تفهميني...رجائي انك تسمعيني للاخير
ريناد: اوكي ايش اللي عندك؟
مازن: وهذي ياريناد اخر محاوله لي معاك لاني مليت حاولت افهمك مرات ومرات لكنك صديتي عني وماحطيتي لمشاعري أي اعتبار
تجمعت الدموع بعينها.....ماتدري ليش اخر محاوله يعني شنو؟؟؟ يعني بعدها انا بطريق وهو بطريق لاااااااااا مااقدر يامازن على بعدك وجودك بحياتي مهم حتى لو كنت قاسيه معاك يكفي اشوف عيونك بس ماابي شئ ثاني
مازن بصوت اقرب للهمس: حبيبتي امسحي دموعك.....اسمعيني باالاول
ريناد وهي تمسح دموعها: تكلم
مازن: شوفي ريناد....قصتنا بدأت من يوم كنت فيه رايح لمحمد كان جالس عالنت بالعلامه كان اخوك بشار معانا المهم جلسنا بغرفته شوي جاه اتصال وتركنا بالغرفه انا انتبهت لورقه صفراء صغيره عليها ايميلك لفت نظري قلت اضيفك وانا والله مادري من تكوني افتكرتك وحده ضايفها محمد من الشات
جنون دقها ولفت تطالعه بذهول...كاذب ولاصادق..لكن انا اتذكر هذاك اليوم سويت لي ايميل جديد ودقيت لمحمد قلت له يسوي لي ادد وقال لي لحظه اجيب ورقه وكتب عليها الايميل....
مازن: وكلمتك ياريناد....وانت تعرفين الباقي حلفت لك بربي اني ماكنت اعرفك لاني اصلا ماقلت لمحمد اني اخذت الورقه منه...وكلمتك بعدين عالجوال وماميزت صوتك لاني اصلا ماسمعت صوتك قبلها ولامره في التلفون
ريناد: ولاانا لاحظت صوت
مازن: شفتي كيف المهم الحين عندي ياريناد انك تفهمين ان حبنا جاء بالصدفه الاقدار جمعتنا مع بعض ...معقوله بتحكمين على هالحب بالموت بمجرد صار شئ مالي ذنب فيه؟ هذي عداله في نظرك؟
سكتت وماعرفت بأيش تجاوبه...تصدقه وتسامحه ولاتبقى على موقفها.....لكن ورود
ريناد: يعني انت تحبني؟
مازن: أي احبك
ريناد: واللي يحب وحده يكلم غيرها
مازن: انا اكلم غيرك؟ من قال؟
ريناد: انت تكلم ورود
مازن: صح كلمتها بس مره وحده
ريناد: مره وحده؟
مازن: أي وقلت لك عالموضوع يوم ملكه هبه
ريناد: يعني ماكلمتها مره ثانيه؟
مازن: ريناد حياتي انت شفيك انا مازن...بتكذبيني وتصدقيهم؟ ورود عمري ماكلمتها الا ذيك المره وبس...
بعدين حد عنده هالقمر ويكلم النجوم؟
ابتسمت له ونزلت راسها
مازن وهو يمسك يدها: بنرجع مثل قبل؟
ريناد وهي تطالعه: نرجع
قرب منها اكثر
مازن: جد ريناد؟
ريناد: هههههه جد خلاص صافيه لبن
قامت من مكانها وسحبت يدها من يده
مازن: وين قايمه تعالي باقولك شئ
ريناد: قوم رجعني البيت
مازن: تعالي طيب بس دقايق
رجعت مكانها...وجلست جنبه وهي ساكته
مازن: بتبقين ساكته يعني؟ تكلمي اشتقت لصوتك وهمسك
ريناد: ــــــــ
مازن: ريناد
ريناد: اممممم
مازن: احبك موت
ريناد: جد؟
مازن: اكثر مماتتصورين....مااشتقتي لي؟
ريناد بهمس: اشتقت لك
مازن: اجل وين هالشوق ماكنت اشوف غير قسوتك
ريناد: اووه مازن خلاص
مازن: يااااه عيدي اسمي مره ثانيه
ريناد ببتسامه: مازن
مازن: ممكن اطير من الفرح؟
ريناد: هههههههههههههه لا وين بتطير خليك معاي
قامت وراحت لعند سيارته ...قام وراها وصعدوا كان يسوق وهو كل شوي يطالعها ويبتسم مو مصدق انها حنت عليه وبيرجعوا مثل قبل......واخيرا صارت لي...ماباخليها تروح من يدي مره ثانيه...

تتوقعوا بتدوم علاقتهم كذا؟؟

ولابتتغير مع الظروف والاحداث الجايه؟؟

ايش موقف ورود لما تعرف بالتطورات الاخيره؟؟


كل هذا بتعرفونه في الجزء القادم

جاء الليل اللي كانت تنتظره بفارغ الصبر راحت ولبست فستان وردي قصير وفكت شعرها وحطت ميك اب خفيف وجلست تنتظر ناصر....لما جاء قامت على طول له.....

ناصر: الله الله ايش هالحلاوه لمين كل هذا

خلود: لحبيبي وكل عمري ناصر

ناصر وهو يقربها لها: ياقلبي ياخوخه .....طالعه والله قمر

خلود: امممم تعال اجلس

راح جلس عالكرسي وهو مبتسم

ناصر: وراك شئ انتي

خلود: عندي لك مفاجأه

ناصر: ايش هالمفاجأه الله يستر

خلود: هههههههه لاتخاف ياابو ريان

شوي شوي وتحولت الابتسامه في ظرف ثانيتين الى علامه استفهام كبيره

ناصر: ايش؟

خلود: اللي سمعته انا حامل

كشر وقام مثل الاعصار من الكرسي ولف عليها

ناصر: شنوووووووووو؟ حامل؟؟؟

خلود: أي حامل شرايك في الخبر؟

ناصر: مثل الزفت

خلود: ايش هالكلام اللي تقوله؟

ناصر: شوفي هاللي في بطنك ينزل اليوم قبل بكره فاهمه



طلع من الغرفه على طول وهي تبكي حيل مو مصدقه ان ناصر يقول كذا....



اتصل دايركت لسلمى هي اللي بتساعده

سلمى: هلا بأخوي حبيبي

ناصر: هلا سلمى

سلمى: يارب سترك شفيك ؟

ناصر: ولاشئ

سلمى: لاقص على غيري صوتك مو على بعضه

ناصر: فيني قهر والله

سلمى: ليش عسى ماشر

ناصر: مرت اخوك حامل

سلمى: خلود؟ جد؟؟؟؟؟؟؟ مبروووك وليش منقهر المفروض ياحظي تنبسط بيجيك ولد

ناصر: ماابي عيال

سلمى: ليش؟

ناصر: بذمتك مر على زواجنا اكثر شهرين

سلمى: لا بس عادي بنات يحملون من اول اسبوع

ناصر: انا وخلود غير...عاالاقل ابي اتهنى بحياتي شوي

سلمى: ياسلام والعيال بينكدوا عليك عيشتك؟

ناصر: بتشغل عني ياسلمى افهميني

سلمى: متى قالت لك هالخبر؟

ناصر: الحين من شوي وهبيت بوجهها وقلت لها نزليه اليوم قبل بكره

سلمى: لابارك الله فيك من ولد



سمع حس وراه لف ولقى ابوه وتكشيره على وجهه

ناصر: اكلمك سلمى بعدين

سلمى: انتظرك طمني عليها باي



قبل مايفتح فمه بكلمه وحده هاج عليه ابوه مثل البركان



ابوناصر: صدق قليل تربيه ليه تسوي كذا في بنت الناس

ناصر بارتباك: انت سمعتني يبه

ابوناصر: وحطبه على هالرقبه قول امين ياخساره تعبي فيك

ناصر: يبه انا ماسويت شئ غلط

ابوناصر: شلون ماسويت شئ غلط حرام اللي سويته بنت الناس امانه عندنا

ناصر: زوجتي وانا حر

ابوناصر: ليش شاريها انت بفلوسك......رد خليني اشوف ايش بتقول بعد

ناصر: الولد بتنزله يعني بتنزله

ابوناصر: استغفر ربك ياناصر حرام اللي تسويه كيف تبي تقتل روح حرااام

ناصر: اوووه يبه اللي صار صار وهي اكيد مابترفض لي طلب

ابوناصر: بس انا برفض

ناصر: انت يبه؟

ابوناصر: ماراح اخليك تذبح ولدك اللي مانولد....ويلا قدامي روح اعتذر لها وراضيها يلا

ناصر: لايبه

ابوناصر: تعصي كلامي ياناصر

ناصر: العفو يبه مو كذا بس ارجوك افهمني.....

ابوناصر: افهم ايش يامخرف المفروض تنبسط وتفرح بيجيك ولد يشيل اسمك مو تصارخ وتهاوش البنت....الله مايرضى بهالشئ

ام ناصر: شفيكم عسى ماشر

طلعت من غرفتها وجات لعندهم

ابوناصر: تعالي شوفي ولدك العاقل ايش يقول

ام ناصر: شفيك ياناصر؟

ابو ناصر: مرته طلعت حامل وقال لها سقطي الولد

ام ناصر بفرح: جد مرتك حامل؟ كلوووووووووووش الف الصلاه والسلام عليك ياحبيب الله محمد

ابو ناصر: يامره فهمي ولدك قبل ماتفرحين وتصارخين

ام ناصر: ليش تبيها تسقطه؟

ناصر: ماابي عيال الحين

ام ناصر: ليش بكيفك؟ هذي حكمه ربك

ابوناصر: روح يلا كلمها

ام ناصر: خليه يتركها الحين ترضى لوحدها

ابوناصر بعصبيه: انتوا شفيكم؟ انا اللي امشي كلمتي في هالبيت روح قدامي لاتوقف مثل اللوح

ناصر: طيب



دخل لها لقاها حاضنه المخده وحاطه راسها عالجدار وتبكي......عوره قلبه من منظرها راح وحضنها على طول

ناصر: اسف حبيبتي

خلود وهي تدزه بعيد عنها: انا مو حبيبتك انت ماتحبني اصلا

ناصر: افا ياخلود انا مااحبك؟ والله اموت فيك انتي شتقولين

خلود: مااصدقك بعد اللي سويته لكن تبيني انزله حاظر من عيوني ياناصر بس بعدها مابرجع هنا باروح بيتنا عند امي وابوي

ناصر: وتتركين زوجك لوحده؟

خلود: شسوي فيك اذا ماتبيني ولاتبي اللي في بطني

ناصر: هههههههههه ياشين دلعكم وزعلكم....ابيكم خلاص والله ابيكم

خلود وهي تبكي : ليش سويت كذا ياناصر

ناصر: اسف خلود انا بس انصدمت ماابي أي حد يشغلك عني

خلود: بس هذا هو السبب؟

ناصر ببتسامه: اكيد حبيبتي ماابي العيال يشغلوك عني

خلود: ماحد بيشغلني عنك بس هذا مو عذر

ناصر: ها والحل يهون عليك تتركين حبيبك ناصر كذا؟

رفعت له عيونها وابتسمت مهما سوى ناصر ماتقدر تزعل منه وتفهمت انه تفاجأ وعصب وقال كلام مايقصده....

بس هو لازالت الغصه داخله مو مقتنع.....



في ظرف يومين الكل عرف بحمل خلود اكثر وحده فرحت امها لان بيجيها حفيدين مره وحده

وعلى قولة محمد بيصير خالين مو خال واحد خخخخ

كانت فتره الاختبارات النهائيه اخر يوم كان عليهم انجليزي

..طلعت وهي مبتسمه ياااه الحمدلله رغم اني ماذاكرت زين لكن الاختبار كان مره سهل وحليت كويس..اروح لشوق واشوفها
طلعت للساحه الكبيره ولقت شوق قاعده بالزاويه ويدها على خدها ومقابلها كتاب الانجليزي تتصفحه باليد الثانيه....
ريناد: ياهوووه بتذاكرين بعد ماخلصنا الاختبارات
ماردت عليها شوق
ريناد وهي تجلس جنبها: حبيبتي شوق شفيك؟ ماحليتي زين؟
شوق: نص الاسئله تركتها فاضيه ماحليت ياريناد
ريناد: يؤؤؤؤ ليش عاد تاركه اسئله بدون اجاباتها
شوق: احل وانا عارفه انه غلط؟؟
ريناد: احسن من لاشئ لكن ماعليه شوشو هونيها اليوم خلصنا اختبارات فرفشي
شوق: تصدقين فرحانه مو مصدقه خلصنا اليوم برقص رقص
ريناد: هههههههههههههههه بنسوي احتفاليه...الا وين بنطلع اليوم؟
شوق: نسيتي ريناد خالتي ام مازن اقصد ام زوجك مسويه عزيمه في ...
قبل ماتكمل ضربتها ريناد على يدها
شوق: هههههههههه مسويه فيها خجوله ....
ريناد: شووقووه لاتصيري دبه عيب
وابتسمت بعدها ريناد...باشوف مازن اليوم يااه مشتاقه له...
شوق: افكر فيك وافكر في حالي سوا سوا
ريناد: هههههههههه روحي زين....متى بنروح؟
شوق: امي بتروح الساعه 6 المغرب حتى تساعد خالتي بس انا ماباروح معاها بنروح بعدها شرايك؟
ريناد: حلووو عاالاقل يمدينا ننام ساعتين
شوق : قومي نطلع الشمس حرقتنا
لبسوا عباياتهم وطلعوا....
ريناد: كم الساعه شوق؟
شوق: 9 ونص
ريناد: ياخوفي يكشت فينا سايقكم ساعتها باطيح فيك رفس ياشوق لانك خليتيني اقول لحكمت لايجي
شوق: يالدبه بيجي والله موصيته
تسندوا عالجدار ينطرون واذا بشبح سوداء تمر..كشرت ريناد على طول كأنها تعرف هالسياره فتح صاحبها الدريشه اووووف هذا بدر صديق محمد شفيه وربي سخيييف.....ان شاء الله ارمي على وجهه حجره من زين هالوجه اللي ماحلاه ربي شين ويغازل استغفر الله خلقة ربي استغرك ربي....
شوق: اووه هذا الشاذي وصل
ريناد: هههههههههههههههههههه حلووه تناسب عليك لمبه
شوق: ههههههههههه اقول هذا شفيه ضارب له فيوز؟
ريناد: اتوقع والله
شوق: لكن هين ان ماقلت لمحمد خليه يوقفه عند حده
ريناد: لاياشيخه مانبي مشاكل
نزل من السياره ووقف قريب منهم والثنتين خلاص ميتين من الخوف
بدر: اخبار الحلوين؟
ضربت ريناد يد شوق لكوعها وقالت من بين اسنانها: باذبحه
بدر: سجلي ياحلوه هالرقم عندك وياليت تدقين علي الليله انتظرك طيب
ريناد وشوق لاجواب ومطنشين
بدر: ياقمر انت عبرنا ولو بنظره حرام كسر القلوب حرااام والله
ريناد بعصبيه لانها ماقدر تتحكم بأعصابها:عساك الماحي اللي يمحيك قول امين صدق ماتستحي على وجهك
بدر: ههههههههه يازين صوتك والله
سمعوا صوت سياره توقف مقابل سياره بدر لفت وطاحت عينها بعين حبها
مازن ؟ اكيد جاي ياخذ هبه؟؟ لااااا عز الله راحنا وطي بيقوم الهواش والمذابح الحين والدم بيصير للركب يارب سترك
نزل بسرعه من السياره والنار تلهب داخله مسك بدر بقوه من قميصه
مازن: واقف هنا ايش تسوي؟
بدر: اقول شيل يدك قبل مااسوي شئ يزعجك ياحبوب
مازن وهو يشد اكثر: يلا وريني شطارتك اذا انت رجال
شوق وهي تتقدم: لا مازن تكفى مو قدام الناس مانبي فضايح
بدر: شيل يدك .اقولك شيل يدك بسرعه
ريناد هالوقت ميته من الخوف على مازن وشوي وتذبح بدر اللي ماتدري من وين طلع لها
مازن وهو ينزل يده: انتي وياها عالسياره بسررعه
سمعوا كلامه وصعدوا السياره وريناد لازالت تراقب الموقف ويدها على قلبها...
مازن: اسمعني زين ان شفتك مره ثانيه تتعرض لهالثنتين قسم راح اسوي اللي مايجي على بالك
بدر وهو يركب سيارته: نقطنا بسكوتك اوكي

لف مازن ويوم شافت نظراته الحاميه ارتجفت.ياويلي رحت فيها مابيعدي مازن هالموقف على خير..حست به يركب السياره ويصفع الباب
لف لهم وراء يطالعها بعصبيه
مازن: انا مو قايل لك تغطي عند المدرسه
شوق: لامو كذا مازن بس...
قاطعها بصراخ: انتي اسكتي مااكلمك اكلم ريناد
ماتحملت هالعصبيه منه وبكت بصمت....معاه حق انا الغلطانه ليه مااتغطي مااشوف هالشباب اللي مايتركوا حد بحاله
مازن: اكلمك ردي علي ليه ماتغطيتي انا مو وصيك الف مره ماابي حد يشوفك ماتفهمين
زاد صياحها ونزلت راسها ...لما حست بهبه تطلع من المدرسه وتتوجه للسياره تغطت حتى ماتشوف دموعها
هبه : سوري مازن تأخرت
مازن: عادي
لفت تطاله الثنتين ببرود ورجعت تطالع الشارع قدامها
هبه: ليه ماجاكم السايق
شوق: لا
هبه: اها
رفع راسه يطالعها في المرايه شافها متغطيه ومنزله راسها..يااه ياريناد ماااتحمل اشوف دموعك بس عصبتيني المشكله اني اغار ماابي حد غيري يشوفك
ليه مو راضيه تفهمين اني احبك وابيك لي انا وبس...

تعمد ينزل شوق بيتهم وبعدين هبه وتبقى لوحدها بالسياره....واخر وحده يوصلها
مازن: تعالي اجلسي قدام
ريناد: ماابي
مازن: لاتعاندي وتعالي يلا
ريناد: اووف قلت لك ماابي
مازن: بتجين غصبا عنك
ريناد: ماراح اسوي شئ غصبا عني ولاترى بنزل من السياره
مازن: مجنون انا اخليك تنزلين هنا...امري الى الله
10 دقايق والصمت سيد الموقف بينهم..لاحظت نظراته لها من المرايه الاماميه
ريناد: لاتطالع شايفتك ترى
مازن: هههههههههههههههه زعلانه؟
ريناد: مو مهم وديني البيت بسرعه لو سمحت
مازن: حبيبتي ريناد من غيرتي عليك انا وصيتك الف مره ومره ليه ماتسمعين كلامي
ريناد: اوكي مو قصدي...بس ليه تصارخ علي
مازن: لانك تعصبيني ريناد لازم اصارخ بصوت عالي واقول للعالم كله احبك واخاف عليك؟
ابتسمت ونزلت راسها...

مازن: بعدك زعلانه؟
ريناد: لا
مازن: توعديني تسمعين كلامي؟
ريناد: ايوه
وقف عند محل ورد ونزل وهي مستغربه ليش نازل ...بعد 10 دقايق وهي تنتظر طلع وبيده باقه ورد روز ابيض فتح الباب وعطاها الباقه
ريناد: ليه تعبت نفسك؟
مازنك تستاهلين قلبي وعيوني
ريناد: شكرا

دخلت البيت وهي طايره من الفرح وترقص على اطراف اصابع رجلها
اثنين تجمعنا المحبه يغارون منا الاحبه حبي وانا احبه عذالي ماتفهمون
بشار: الحمدلله والشكر
نقزت من صوت اخوها..لفت وشافته طالع من المطبخ ولكن....
قربت وهي مذهوله
بشار: احم شرايك؟
ريناد: بشار وين شعرك ولحيتك؟
بشار ويده عالسكسوكه: سويت هالسكسوكه وخففت شعري بذمتك مو اشبه براد بيت
ريناد: ههههههه لا ويييي انت احلى بشار فديت اخوي والله يالدب بجد طالع حلوو اه لو تشوفك شوق
بشار: احم احم بتشووفني اليوم تهقين بيعجبها اللوك الجديد؟
ريناد: افا عليك اكيد....
حط يده حول اكتافها وطلعوا للحديقه يمشوا..
بشار: الا ايش سويتي في الاختبار؟
ريناد: تمام الحمدلله....متى تطلع نتيجتك بشار؟
بشار: مادري اصلا مو هامتني نجحت بكل المواد او حملت مواد بالطقاق في الحالتين بشتغل مع الوالد بالشركه
ريناد: وناسه كذا...شغلووني وياكم
بشار: هييييه انتي ماعندنا بنات يشتغلون مع رجال بمكان واحد
ريناد: ياربي عالتخلف شفيك صرنا في 2005 وتقول مختلط مامختلط عادي
بشار: بالمشمش اذا ابوك وافق
ريناد: بيوافق اصلا انا بدرس جامعه في البحرين مو هنا
بشار: الا الباقه اللي كانت عندك من عند مين؟
ويييييي شقوله الحين...
ريناد: اه هذي ال من عند وحده بالمدرسه مسويه فيها تحبني ههههه شفت الخبال
بشار: اهاااا
ريناد: تدري بشار افكر ارجع للرسم
بشار: حلووو انا اول شخص ترسميه
ريناد: من زينك عاد حتى ارسمك
بشار: ايالكذابه من شوي تقولي احلى من براد بيت
ريناد: انت صدقت؟
مروا عند المسبح هي ركضت على طول داخل البيت تعرف حركاته بيرميها مثل كل مره ويتركها تصارخ وتنازع لين تطلع.....
بشار: دبه احمدي ربك عندك اخو مثلي
ريناد وهي تطل من النافذه: ماااااالت....انت جنيت تكلم روحك؟ اقول ادخل ادخل بس لاتحرق جمالك الشمس
بشار: هاها ظريفه مع وجهك
ريناد: هههههههههااي

..........................

كانت بغرفتها عارضه نص ملابسها عالسرير تختار لليله لبس حلوو تبي تطلع كالعاده الاجمل رن جوالها وكان محمد المتصل...
هبه: اهلا حبيبي
محمد: هلا هبه اخبارك؟
هبه: تمام بخير وانت؟
محمد: الحمدلله...عسى ماكنتي مشغوله
هبه: لاحبيبي بس اختار لي بدله لليله
محمد: أي ابيك كاشخه مااوصيك
هبه: ههههه اكيد افا عليك
محمد: حلووو يلا ياقلبي مااعطلك مع السلامه
هبه: الله يسلمك
سكرت ورمت الجوال عالسرير وهي مبسوووطه قالي ياقلبي؟؟ واااي عليك حمووود والله احبك وياليتك تبادلني نفس الحب لكن يلا فيه تطور...
اما هو سكر وهو مبتسم..اضغط على نفسي واحسسها بالحب افضل من اني اجافيها لانها بتتعب وانا بتعب...
هبه خطيبتي الحين ومن واجبي اني احسسها بالحب والامان واعيش مرتاح وانسى ذكريات الماضي....

.......................

اتصلت عليه للمره الالف وهو يحط لها بزي ...اووف ليه مايرد ويعطيني مشغول لييييش....
رمت الجوال بعصبيه ومشت بالغرفه ذهابا وايابا سمعت دق عالباب.....
خلود: مفتوح
دخلت ساره وهي مبتسمه
ساره: ممكن؟
خلود: حياك سارونه تعالي
ساره: ايش كنتي تسووين؟
خلود: ولاشئ ادق لاخوك مادري وينه
ساره: صحيح ليه تأخر اليوم مو عوايده
خلود بخوف: مادري ياساره
ساره: تطمني ان شاء الله مافيه الا كل خير..
دق جوال خلود واستأذنت ساره وطلعت
خلود: الو
ناصر: هلا خلود
خلود: هلا
ناصر: شفيك تتكلمين من غير نفس
خلود : سلامتك
ناصر: سوري خلود بس كنت مشغول
خلود: اوكي ماكنت تقدر ترد وتقول مشغول اكلمك بعدين
ناصر: اقولك مشغول والله مو فاضي قدري ظروفي شوي
خلود: ايش قصدك انا مااقدر يعني
ناصر: ياخلووود..مااقصد..تدرين باي
سكر بدون مايسمع أي جواب جلست عالسرير والدمعه بعينها..تغيرت كثير ياناصر..منت ناصر الاولى الرومنسي العاطفي اللي يحبني...
الحين صرت جاف وعصبي....
حطت يدها على بطنها....هذا هو السبب شسوي طيب هالشئ من الله اذبحك نفسي حتى يرتاح ...

.............................

الساعه 3 ونص العصر صحت على دق الباب انقلبت عالناحيه الثانيه وحطت المخده على راسها تمنع الصوت
ريناد: اووووووووف مين
حور: يالدبه انا قومي افتحي الباب
قامت وهي تحك عيونها فتحت الباب وسحبت يد حور وعضتها
حور : اييييييييي يعور رينادوووه
ريناد وهي ترجع داخل الغرفه: احسن تستاهلين
دخلت وراها حور وجلست عالكرسي المقابل للمرايه
ريناد : ااخ نعساااانه كم الساعه الحين؟
حور: 4 ونص
ريناد: تمزحين...مانمت شئ
حور: من جدك اخر يوم في اختباراتكم ونايمه قوومي اطلعي
ريناد: وين اروح؟
حور: دقت علي شوق وتقولك خالتي ام مازن محتاجه لمساعده روحوا لها
ريناد: أي صح ليش ماتساعدها الخادمه
حور: ماتبين الا مازن يخليها تساعد في الطبخ هو زين وافق يخليها تدخل بيتهم
ريناد: ههههه ليش؟
حور: يقول يلوعوا الكبد
ريناد: معاه حق
حور: نعم؟
ريناد: لا سلامتك
حور: المهم بتروحين ولا؟
ريناد: أي باروح خلاص ابدل ملابسي وامر على شوق ونروح
حور: اجي معاكم؟
ريناد: انتي خليك يادوبك تشيلين هاللبلونه اللي ببطنك ههههه
حور: ايالدبه ولدي صار بالون طيييب ان ماحرمتك حتى من شوفته مااكون ...
ريناد: لا لا خلاص سووري كل شئ ولا ولد اخوي وبعدين انا عمته امووون صح
حور: هههه أي صح يلا قومي البسي
ريناد: اوكي

قامت لبست بدله سوداء ومطرزه بخرز ابيض عند الخصر وتتكون من قميص وبنطلون ضيق من فوق ويتوسع لتحت....وحطت لها ميك اب خفيف وراحت بيت عمها سلمت على عمها ومرت عمها واخذت شوق وراحوا......لما وصلوا لقوا مازن عند باب البيت جالس بسيارته
شوق: سلااام
مازن وهو يطالعهم: وعليكم السلام...
شوق: اخبارك مزوون؟
مازن: تمام...احم اقول لنا الله
ريناد: هههه اخبارك؟
مازن: أي كذا اسألي مو انا حبيبك مازن
استحت ريناد ودخلت
مازن: هههههه فديت اللي تستحي انا
شوق: هبه صاحيه ولا؟
مازن: لاوالله خمدت هالخيشه من شوي بس
شوق: اها انا داخله يلا
مازن: اوكي


دخلوا الثنتين المطبخ ولقوا ام مازن تشتغل في الطبخ
ريناد وشوق: السلام عليكم
ام مازن وهي تلف لهم: وعليكم السلام هلا وغلا حبايبي
شوق: هلا فيك خالتي وحشتيني ليه ماتجينا والله امي عاتبه عليك
ام مازن: شسوي بعد مايصير اترك البيت كذا
شوق: وهي تشيل عبايتها: أي مساعده خالتي ترى جايين نساعدك ونخدمك
ام مازن: ياليت يمه شوق تعالي ساعديني بهاالكيكه
شوق: اووكي
وجلست ريناد عالطاوله تراقبهم شوي الا حست بيعونها تغمض...فتحتها بسرعه وهي خلاص ذايبه نعس....طلعت الصاله وجلست عالكنبه وشغلت التلفزيون....5 دقايق وراسها بتجاه غير وهي بتجاه ثاني ومغمضه عيونها نعسانه موت.....
دخل وهو يدندن لما شافها نايمه استغرب اول شئ بس بعدين قال عادي طبيعي مو نايمه وتعبانه من السهر والاختبارات....راح جلس مقابلها يتأملها
شحلاتك ياريناد...مادري اخطفك واوديك مكان مافيه الا احنا ونعيش بعيد عن هالناس ولا ايش اسوي
مازن بهمس: ريناد
مااوتعت اصلا ولاتحركت
مازن: رنووشتي
فتحت عيونها بسرعه وهي مختلعه
مازن: بسم الله عليك اخترعتي
ريناد ببتسامه وارتباك: انا متى نمت ماحسيت
مازن: ليه ماارتحتي في البيت؟
ريناد: حور صحتني وقلت اجي مع شوق نساعد خالتي
مازن: ياقلبي ليه يزعجوك طيب نامي
ريناد: لا عادي والله
قام وطلع من الدرج اللي قرب التلفزيون البلاي ستيشن
مازن: تعرفي تلعبي؟
ريناد: أي اكيد
مازن: الله واثقه بعد اتحداك ان فزتي علي
ريناد وهي تقوم: تتحداني يامازن؟ طييييييب شغلها ونشوف
مازن: بنشوف
حط لعبه ضرب وقتال وابتدأ الحماس واللعب
ريناد: اووووه لاتضربني
مازن: هوهوهوووووو هاهاها وين اللي تعرف تلعب ياحسره مافزتي علي ولامره
ريناد: اييي لان اللي اخترته مايضرب زين ماعنده حركات قتاليه
مازن: أي من الفشله
ريناد: اصلا ماابي اهزمك حفظا لكرامتك انت رجال بس انا بنت لو خسرت عادي
مازن: هههههههههه اموووت انا كذا ياشاطره اسكتي والعبي بنشوف ايش يطلع معاك
جاتهم شوق وهي تضحك
شوق: ههههههههههه من اللي فاز
ريناد بقهر: ولد خالتك
مازن: وبنت عمك ماتعرف تلعب
ريناد: قولي الى ولد خالتك يسكت لو ابي اهزمه كنت هزمته من زمااان
مازن: هههههه شوق قولي الى بنت عمك تورينا عضلاتها وتتشطر في اللعب وبنشووف
ريناد: شوق قولي الى ولد خالتك ياكل تبن ويسكت قبل مااكسره
شوق: اوووووووه عورتوا راسي عااد كل واحد يكلم الثاني مباشره اوكي؟
ريناد: مافيه مااكلمه
مازن: مااكلمها
ريناد: خاصمتك
مازن: وانا خاصمتك بعد
قامت لهم شوق
شوق: متأكدين؟؟
ريناد: أي
مازن: يس
ضربت شوق راس مازن براس ريناد وركضت للمطبخ وهي ميته ضحك
ريناد ويدها على راسها ومتفشله من حركه شوق: الله يغربلها باقوم اذبحها
مازن وهو مغمض عينه: الله الله احلى ضربه والله حصلتها بحياتي
رمت عليه المخده وقامت وهي تضحك

...............................

رجع من العمل تغدى وطلع مره ثانيه بس وين راح ماتدري ولاسألته من الاساس...



اممممم اكلمه؟ اوووف طيب انا الزعلانه مفروض يراضيني مو انا اللي اكلمه واراضيه بس مشغول بالي عليه خلاص باكلم واللي فيها فيها..توها بتدق الا يتصل...

خلود: الو

ناصر: هلا خلود

خلود: اهلين ناصر...وينك؟

ناصر: الحين في الطريق راجع البيت

خلود: ليش طلعت بدون ماتقول لي

ناصر: رحت اشتري قطع غيار للسياره

خلود: اوكي...خفت عليك

ناصر: لاتخافين مافيني شئ المهم انا خلاص عند البيت....باي

خلود: باي

رمت الجوال كعادتها بعصبيه..هذا شفيه اقوله

خايفه عليك...يقول ببساطه.. لا لا مافيني شئ شنو مايحس؟؟ايش اسوي ياربي له؟؟



........................



الساعه 8 بالضبظ في بيت ام مازن وبالاخص.الصاله ماشاء الله..فوضى وضحك وسوالف..حور جالسه جنب خلود وعالكنبه اللي مقابلهم هبه وريناد وشوق والكنبه اللي بالوسط ام مازن وام محمد......



نزل مازن عالدرج بعد مااخذ له شاور وشعره كان على وراء ولابس ثوب بدون شماغ...اول وحده انتبه لها ريناد اللي كان وجهها واضح له وهو واقف عالدرج غمز لها وهي ابتسمت......ونزل بوسط الصاله

مازن: السلام عليكم

الكل: وعليكم السلام

مازن: هلا والله خالتي شلونك يالغاليه؟

ام محمد: هلا مازن.....عنبوك شفيك ضعفان ماتأكل

مازن: والله ياخالتي مو مني

وبنظره سريعه حول عينه لريناد اللي نزلت راسها قبل ماحد يحس بشئ....

رن الجرس وبنفس الوقت مس كول على جوال هبه

هبه: هذي اكيد ورود اقوم افتح لها....

كشر وطالع ريناد اللي كشرت بنفس الوقت.....وقامت تكلم نفسها يعني بتحمل ثقاله دمها طول اليوم الله يعينني.....

دخلت وهي تضحك بصوت عالي ولما شافت مازن افتعلت خجل ونزلت راسها باصطناع....

ورود: مرحبا

ام مازن: مراحب هلا بنيتي ورود

ورود وهي تحب راس ام مازن: هلا خالتي حبيبتي شلونك

ام مازن: بخير عساك بخير...

شوق وهي تكلم ريناد في اذنها: لاوتحب راس خالتي بعد حتى تلفت نظرها تحلم هذي ولاايش

ريناد: هههههه يمكن ....

حولت ورود نظرها لمازن وابتسمت له هنا ريناد ضغطت على يد شوق وهي معصبه وتحس الغيره ذابحتها ودها تقوم تطرد هاالانسانه بره البيت....مازن حس لريناد لذلك فضل انه ينسحب بهدوء.....



بعد ماطلعت جلست مع هبه على كنبه لوحدهم.....وقاموا يسولفوا بصوت منخفض

ورود: اخبارك مع خطيبك؟

هبه: مين حمودي؟؟ ااه مرتتتاحه ياورود اخر راحه

سكتت ورود وهي معصبه....من قدك ياهبه اخذتي اللي تبيه مو انا سنه وانا احاول اشبك مازن بس مافي فايده....



..........................



في مجلس الرجال الضجه اكبر تعرفون الرجال وسوالفهم وضحكهم وصراخهم اللي يوصل اخر الشارع



والموجودين مازن طبعا ومحمد وبشار وناصر وماهر وابومحمد وابوماهر....

بشار: هههههههههاااي حلوووه اسمع هالنكته الثانيه يقولك في واحد اسود واقف عند عماره بيضه جاه واح من بعيد قال: انا اول مره اشوف عماره فيها خال

الكل: هههههههههههههههههه

ماهر: ياثقل دمك ياشيخ ....الا اخبارك يالحبيب(يكلم ناصر)

ناصر: مين انا؟

ماهر: لاالجني...وين سرحان

ناصر: لاموجود هنا

ماهر: ايه ياناصر اجل بتصير ابو

ناصر ببتسامه مفتعله: على خير ان شاء الله انا وياك بوقت واحد

ماهر: ههههههه لا احنا سبقناكم يالحبيب

ناصر: ههههههه واحنا وراكم

طالع محمد ساعته وهو متملل....اووووف ملان ابي اطلع وياها مالي مزاج للسوالف والضحك...خلني ادق عليها واشوف...

محمد: عن اذنكم ياجماعه...

مازن: هااا وين معرسنا

بشار: شكل عريس الغفله اشتاق لبعض الناس

محمد: عندك مانع

مازن: ولادواس روح روميو عبدالله رووح

طلع من غرفه الضيوف وصار عند المغاسل تسند عالجدار وهو محتار ويفكر....ياربي ايش اللي احسه؟؟ ليش احس اني احتاجها بحياتي وابيها دوم قربي..ليش موقادر اصبر دونها لييييش...رغم اني مااحبها....اي ماتوصل مشاعري تجاه هبه للحب....لكن السبب واضح الفراغ العاطفي اللي احسه هي جات تمليه....طلع جواله ودق عليها.....

رفعته بعد مابعدت عن الفوضه ولازعاج حتى تاخذ راحتها...

هبه: هلا حياتي
محمد: هبه
هبه: روح هبه
محمد: محتاجك....
استغربت منه ...محتاجني؟؟ اول مره يقول هالكلمه...احمدك ياربي فيه تقدم دعواتي ماراحت بلاااش
هبه: حبيبي محمد انا جنبك ومعاك
محمد: اوكي انا عند المغاسل تعالي ابيك
هبه: ثواني طيب....
طلعت له وكانت لابسه تنوره قصيره للركبه وبلوزه بدون اكمام لونها بنفسجي....لما شاف وقف مصدووم من حلاتها.....
لما قربت منه ابتسمت وهو دايركت حضنها وتنفس بعمق.....
محمد: هبه
هبه: عيونها
محمد: بجد محتاجك جنبي خليك معاي
هبه: حبيبي محمد انا معاك وببقى معاك طول عمري ماراح نتفارق لحظه وحده.....
بعد عنها وهو ماسك كتوفها.....
محمد: تحبيني؟؟
هبه ويدها على خده: بس احبك؟؟ اهواك
محمد: اوووكي دام كذا انا مالي قعده معاهم بعد هالكلام الحلووو
هبه: هههههه وين بتروح؟
محمد: نطلع؟؟؟
هبه: الحين؟؟؟ شقول لامي ماراح توافق بتقول اجلسوا تعشوا وبعدين صديقتي ورود هنا
محمد: اوووه هبه مين اولى الحين انا ولاصديقتك
هبه: طبعا انت طيب انتظر باشوف الوضع وراجعه......
راحت جلست جنب ورود وقالت لها انها بتطلع وقالت لها تاخذ راحتها وقالت لامها ووافقت بعد الحاح وراحت معاه..

.......................

ماتضايقت لما هبه تركتها لوحدها تضايقت من السعاده الواضحه عليها...
ااخ ياهبه كيف قدرتي تاخذين محمد وانا سويت كل اللي اقدر عليه لمازن وهو مو معبرني اصلا...وشكله والله العالم متيم في الانسه ريناد...لكن ياريناد باخليك تجنين وبتشوفين ايش باسوي حتى يصير مازن لي....
ام مازن: تفضلوا ياجماعه العشاء صار جاهز
حور: خالتي تبين نساعدك بشئ لاتتعبين نفسك
ام مازن: ماتقصرين حبيبتي قلت للخادمه تحطه تفضلوا.....
ام محمد: دام فضلك ياام مازن..

وفي مجلس الرجـــال..

مازن: يلا جماعه العشاء جاهز
ابومحمد: من جدكم الحين محمد طلع كيف يطلع هذا بدون مايقول
مازن: مادري ياعمي ادق عليه؟؟
ابومحمد: دق عليه خليه يرجع
ابوماهر: ليش ياخوي يمكن من زوجته خليهم براحتهم.....
ماهر: يبه لاحقين بيشبعون من بعض ويملون
مازن: فال الله ولافالك لاتصير بومه مثل اخوك
بشار: هااااااااا كأنكم تتكلمون عني؟
ماهر: مين؟ احنا؟ حشى وكلا ماحد يتكلم على البدر بشار
بشار: ايه افتكر بعد
مازن: مسرع مايصدق هالدب
بشار: اقول ورا ماتكرمنا بسكوتك ياشيخ
مازن: حااااظر بس خليني ادق على محمد.....
مارفعه محمد الا في الرنه الثالثه
محمد: هلا مزين
مازن: هلا وغلا وينكم؟؟؟؟ متى بترجعون؟؟
محمد: من قال بنرجع الحين؟
مازن: ليش؟ ماتبون عشاء؟
محمد: لاتعشوا انتوا احنا بالمطعم
مازن: محمد مو تتأخرون ورجع هبه البيت بدري
محمد: مازن هالكلام ماله داعي صارت الحين زوجتي
مازن: مابعد تصير زوجتك قدام الناس كلها
محمد بعصبيه: يصير خير باي
مازن: باي

بشار: هااا شقال
مازن: ولاشئ بيتعشون بره.....تفضلوا عالعشاء

.......................بعد العشاء شافته يصعد فوق الطابق الثاني..كان بيجيب كاميرا الفيديو اللي طلبها منه بشار...
ابتسمت وقالت انها فرصتها وماراح تضيعها.....
راحت لعند ريناد اللي كانت تشاهد تلفزيون مع شوق
ورود: اقول ريناد شوق
طالعتها ريناد بنص عين شتبي بعد هالعله....
ورود: والله مادري شقولكم...بس هبه وصتني قبل ماتطلع ارتب لها شويه ملابس بكيسه بتاخذهم للمغسله تقدرون تساعدوني
شوق ببرود وهي تطالع التلفزيون: والله طلبت منك مو منا احنا اعتمدي على نفسك
ورود: براحتكم
ريناد: لحظه انتي...(وتكلم شوق بصوت منخفض) مو علشانها شوشو حبيبتي علشان هبه والله ماتقصر خلينا نرتبهم لها..تخيلي يعني تدخل الغرفه ماندري يمكن تاخذ شئ
شوق: طيب روحي انتي الحين واحنا نرتب اللي تبيه اوكي
ورود ببتسامه النصر: اووكي

صعدت للطابق اللي فوق وشافت اضواء غرفته مشغله طلعت من شنطتها قطن وشاش اللي جابتهم معاها بالقصد
ولفت يدها ورسمت على وجهها علامات الم ودخلت غرفته
ورود: ايييي يايدي ايييي اوووه هذي غرفتك مازن ماكنت ادري سووري
تفاجأ ولف عليها وطالع يدها الملفوفه......
مازن : خير خير شصاير؟؟؟
جلست بألم مصطنع على كرسي بالزاويه وهي تصارخ
ورود: ماازن تكفى الحق علي يدي احترقت مو قادره....


صعدت ريناد مع شوق وهم يسولفون بس صوت ورود خلى ريناد تروح بسرعه لغرفه مازن وانصدمت لما شافتها جالسه وهو قريب منها...لفت لشوق وهي مصدومه...
مازن بارتباك: ريناد..لاتفهمي غلط انا...
ريناد والدمعه بعينها وتطالع ورود: عمري ماشفت احقر منك..متى بتتركيني في حالي
ورود وهي تبتسم بخبث وتقوم: اذا فكرت اتركك بعطيك خبر ياحلووه
وطلعت من الغرفه وهي رافعه راسها ....
حاول مازن يقرب منها ويفهمها بس مدت يدها قدامه
ريناد: كافي اللي صار لاتحاول تبرر..عن اذنك
نزلت عالدرج بعصبيه وشوق تحاول تهديها
ريناد: ليه تدافعين عنه كيف يسمح لها تجلس بغرفته
شوق بعصبيه: شفيك انتي جنيتي مستحيل يخليها تجلس عنده
ريناد: لاوالله اجل شتسوي بغرفته يلعبون ورق....
شوق: لاتحكمي عليه قبل ماتسمعيه لاتظلميه حررام
ريناد: مو حرام
وسعت خطواتها لين صارت مقابل المسبح اهدأ مكان وتقدر تفكر فيه براحه وهدوء....جلست على الطاوله الصغيره المقابله له ويدها على خدها وصوره ورود وهي جالسه بغرفة مازن ماتفارق خيالها......

نزل مازن من غرفته يسرع يدور ريناد ولقى ورود جالسه بالصاله وحاطه رجل على رجل ...راح مثل الريح ووقف مقابلها...
مازن بصوت منخفض حتى ماحد يسمعه: انتي كيف تسمحين لنفسك تدخلين غرفتي هاا
ورود: قلت لك ماكنت اعرف انها غرفتك
مازن: هذي تلعبيها على واحد غيري فاهم حركاتك زين لكن عنادا فيك لو تصعدين القمر وتزلين غير ريناد ماراح احب وانتي اطلعي منها بكرامتك فاهمه...

وطلع من البيت وصار في الحديقه لف يمين يسار يدورها وشافها راح عندها وجلس مقابلها.....

http://song4.6arab.com/rashed_metkaber-3aleena.ram


مازن: ريناد
ريناد: ليه جيت؟
مازن: ريناد اسمعيني
ريناد بعصبيه: ايش اسمح يامازن...ليه سويت كذا؟
مازن: وربي ماسويت شئ هي جات ودخلت الغرفه
ريناد: اها وانت خليها المسكينه جالسه مرتاحه
مازن بعصبيه: يلا عاد عن المصاخه انتي ووجهك...
غصبا عنها ضحكت عليها ونزلت راسها
مازن: رينادووه يالدبه وربي احبك...
ريناد: ماتحبني
مازن: جد يادبه احبك كيف بقدر اطالع غيرك صدقيني جات دخلت وانا مصدوم وتقول يدها مادري شفيها ودخلتوا انتوا
ريناد: ايش قصدها بالحركه؟
مازن: واضح.قصدها مثل عين الشمس
ريناد: مادري متى بتتركنا.....
مازن: يالغلا شعلينا منها خليها تسوي اللي تبي ماتهمني...
قامت من مكانها تمشي وهو جنبها....صاروا قرب المسبح...
مازن: تذكرين يالدبه يوم كنا باالامارات وطيحتيني بالمسبح
ريناد: هههههههه هذيك الفتره كنت احقد عليك
مازن: وانا بعد ماكنت اواطنك ابدا
ريناد: والحين؟
مازن: والحين سحرتيني يالساحره مادري شسويتي لي وخليتيني احبك
ريناد: بس كان هذاك اليوم حلووو
مازن: أي ومستحيل انساه
راحت وراه ودزته بقوه للمسبح وهي تضحك
ريناد: حتى ماتنساه ابدا....وللابد
مازن وهو يطفو على الماي: الله يغربلك من مجنونه روحي عني قبل لااجيك واذبحك
ريناد: لا لا كل شئ ولاالذبح مو بايعه عمرري بااااايووووو
مازن: هيييييييين انا اوريك يالدبه
ريناد: اتحداااك تسوي شئ
مازن: اوكي وبنشوف من يربح باالاخير يا...
ريناد: الله واكبر بتسبني بعد كملها ليش سكتت
مازن: اقول؟؟ عادي ماتعصبين؟؟
ريناد: قووول
مازن: ياعمري وحياتي وقلبي وعيوني وحبيبتي الحين وخطيبتي بكره
ابتسمت له بخجل ودخلت البيت وهي طايره في الهوا من الفرح......

دق عليها رنه..مافهمت معناها لهذا دقت عليه
ناصر: هلا خلود
خلود: هلا
ناصر: يلا اطلعي بره استناك
خلود: بنرجع ؟؟
ناصر: أي تعبت باروح البيت ارتاح
خلود: اوكي
ناصر: مو تتأخرين باي
خلود: اوكي باي
حست بيد حور على كتفها لفت لها مبتسمه
خلود: شفيك؟
حور: غريبه
خلود: ايش الغريب؟
حور: اول مره تكلمين ناصر بهالبرود
سكتت خلود وهي تفكر...مثل مايقولون جبتها عالجرح..اه لو بس تدرين ياحور باللي يصير فيني والتعب اللي احسه من ناصر وتطنيشه لي....
حور: صاير شئ بينك وبينه؟
خلود: لاسلامتك مو صاير شئ
حور: خلود اكيد ولا؟؟؟ انا اختك قولي لي مافيها شئ بساعدك
خلود مبتسمه: تطمني يااحلى اخت بالدنيا اختك مافيها الا العافيه.....
حور: الله يوفقكم ان شاء ديريبالك على نفسك وعليه
خلود: اووكي.....(وهي تقوم) يلا ياجماعه انا استأذن
ام مازن وهي تدخل الصاله وبيدها الشاء والقهوه : وين وين بدري اجلسي خلود
خلود: معليش خالتي خيرها في غيرها بس ناصر مستعجل يبي يروح البيت
ام محمد: انتبهي يمه حبيبتي لروحك ولاتتعبين نفسك هالله هالله
خلود: لاتحاتين حفيدك بخير
ام محمد: حفيدي وبنتي ابيها بخير
شوق: ها من قدك يالدبه مو احنا لنا الله
حور: انتي بكره تتزوجين وتحملين وتهتم فيك
شوق: اجل باعرس من الحين حتى تهتم فيني
ام محمد: الله يغربلك انتي ماتستحين
ريناد: هههههههههههه تستاهلين زفووك هاهاها
شوق بزعل مصطنع: انتي اسكيتي مااكلمك بدل ماتوقفين بصفي
خلود: ههههه لاكل شئ ولاشواقه اللي يزعلها نذبحه
شوق: صح تحيا العداله
خلود: يلا مع السلامه ومشكوره خالتي عالعزيمه ماتقصرين والله
ام مازن: العفو يابنيتي ....ولاتقطعين
خلود: من عيوني فمان الله
ام مازن: فمان الكريم...

بعد ماسلمت عالكل وطلعت...صعدت سيارته وهو يحوس ويلعب بالراديوا
لف عليها وابتسم...حاولت ترد له هاالابتسامه بس ماقدرت

ناصر: خوختي شفيك؟
خلود: سلامتك...حرك
ناصر: از يو لايك....
مشى وهو يدندن بعدها فر قناه بالراديوا وكانت اغنيه محمد عبده مااجملك...وقام يغني بصوت عالي مع محمد عبده وهي تطالعه مستغربه..شفيه فرحان عسى خير ان شاء الله...معقوله حس على دمه وحب راضيني
خلود: ها اشوفك مبسوط
ناصر: طبعا وليه ماانبسط من قدي....
وغمز لها....وهي فرحت .....اشم ريحه تفائل اكيد بيراضيني فديتك ناصر
خلود: فرحنا معاك
ناصر: لو تدرين خوخه....لكن باقولك اليوم مؤشر اسهمنا في العلالي
تلاشت ابتسامتها وكشرت...اسهم؟ بزنس يعني؟ وانا الغبيه افتكره بيراضيني طلعت ولاعلى باله ويفكر في شغله وبس
ياربي باموت من بروده معاي انا شسويت له حتى يعاملني بهالطريقه يدري اني احبه..هالشئ المفروض يخليه في باله ويعاملني من منطلق هاالاحساس....
http://songs.6arab.com/rashid..alawalany.ram

حست بيده على يدها سحبتها بسرعه وحطتها بحضنها....
ناصر: خوخه شفيك ؟
خلود والدموع بدت تتجمع بعينها: ولاشئ
ناصر: لاجد شفيك؟
خلود: خليني في حالي ناصر...
ناصر ببرود: براحتك
طالتعته..وهي تدمع....براحتك ياناصر وباعاملك بنفس الاسلوب حتى تحس فيني وتقدر مشاعري لك....تكلمي من غير نفس ماتتعب نفسك وتسأل عني وعن اللي في بطني ليه مو ولدك؟...الله يصبرني

دخلوا الغرفه وكانت قدامه فتحت الباب بكل قوتها بحيث انه صدم في الجدار وجلست عالسرير..راح وجلس جنبها وعيونها تلف بأنحاء الغرفه لين طاحت بعينه.....
ناصر: خلود شفيك بلا لعب اطفال وتكلمي
خلود: لعب اطفال؟ اتركني لوحدي
ناصر: اكيد صاير شئ في بيت خالتك قولي شصار؟
بصراحه لاول مره من تزوجنا احس اني ابي اذبح ناصر معقوله مايدري انه السبب
ناصر: انتي مو على بعضك
خلود بعصبيه: انا ولاانت
انفجرت بوجهه مره وحده وحسها بركان وقريب بينفجر....
ناصر: انا؟
خلود: أي طبعا ماتشوف برودك مليت والله مليت
كان بيكتم غيضه لكن ماقدر....
ناصر: شوفي نفسك بالاول يامدام
خلود: انا ياناصر؟
سكتت وهي تفكر بحيره ..طلعت انا المذنبه الحين
ناصر: برودي ردة فعل طبيعيه لبرودك
خلود: برودي انا؟ كيف
ناصر: أي انتي بالاول لما حملتي تضايقت لانك مااهتميتي لك وسويتي اللي تبينه وجاك الولد اللي تتمنين بينما انا مو مهم رضيت او لا...ومنها صرتي بطريق وانا بطريق...صار همك ولدك اللي تنتظريه وانا كل يوم ارجع من الدوام اتمنى الاقيك اضمك اسولف معاك مثل قبل لكن تنشغلين بأشياء تافهه..كيف تبيني احس فيك وانتي ماحسيتي فيني
نزلت دموعها بغزاره وتكلمت بصوت بالموت طلعت من الصياح
خلود: ناصر...كيف بافهمك والله هاللي جانا من الله مالي انا دعوه فيه
ناصر: مافي اختراع اسمه موانع ولا لازم انا اقولك عليه بعد
لفت ولقت تحفه على الطاوله بعصبيه رمتها عاالارض لين صارت قطع صغيره منتشره على ارض الغرفه...وطلعت عنه....
خلاص ياناصر ماابي اكون معاك بمكان واحد..مسحت دموعها وهي توسع خطواتها بشكل كبير عالدرج الرخام...
كانت اضعف من انها تقاوم طيحتها اللي جات من انفعالها وعصبيتها...طاحت بدون ماتدري لانها تسرع...وصارت على الارض...سمع هو صوت شهقتها طلع بسرعه من الغرفه وطل من فوق لما شافها طايحه في ظرف ثواني صار عندها ومسك وجهها والدمعه جمدت بعينه.....لا خلوود لا ارجوووك لايصير فيك شئ كيف باعيش دونك ..

............................

ممرضه تدخل وممرضه تطلع من الغرفه اللي دخلوها فيها...وكل مامرت دقيقه زاد الخوف في قلبه وضربات قلبه تزيد بجنون....مسك طرف الكرسي بقوه وهو متوتر وخايف عليها...
انا السبب انا لو بيصير فيها شئ ماراح اسامح نفسي....يارب شفيها انت الوحيد العالم بحالتي...
قام يروح ويجي في الممر وهو مشبك يدينه في بعض...حس بحد يطلع من الغرفه راح ركض للمرضه ولما شاف تعابير وجهها البارده انشل لسانه ماعرف ايش يقول...

ممرضه تدخل وممرضه تطلع من الغرفه اللي دخلوها فيها...وكل مامرت دقيقه زاد الخوف في قلبه وضربات قلبه تزيد بجنون....مسك طرف الكرسي بقوه وهو متوتر وخايف عليها...
انا السبب انا لو بيصير فيها شئ ماراح اسامح نفسي....يارب شفيها انت الوحيد العالم بحالتي...
قام يروح ويجي في الممر وهو مشبك يدينه في بعض...حس بحد يطلع من الغرفه راح ركض للمرضه ولما شاف تعابير وجهها البارده انشل لسانه ماعرف ايش يقول...

الممرضه: الجنين مات....
حس بحد صب عليه ماي بارد تجمد مكانه وهو يطالع الممرضه بذهول
ناصر: وزوجتي؟
الممرضه: الحمدلله ربك ستر مافيها الا كل خير بس رجلها مرضوضه هي طاحت؟
ناصر: أي عالدرج
الممرضه: الحمدلله جات على كذا.....
ناصر: ممكن اشوفها؟
الممرضه: لا مو الحين انتظر شوي وبعدين ادخل

انتظر نص ساعه ودخل بعدها وكانت معمضه عينها نايمه....راح ووقف جنبها ومسك يدها وضغط عليها
اسف ياخلود والله ماكنت ابي كل هذا يصير...
فتحت عينها ولف له..تذكرت ببطئ اللي صار بينهم فـ سحبت يدها ودمعت عينها...
بعدها طالعت الغرفه مستغربه..تذكرت انها كانت معصبه وطاحت من الدرج حطت على طول يدها على بطنها وطالعته وبعينها رعب خايفه على ولدها....
خلود: ناصر قولي تكفى ان ولدي ماصار له شئ
ناصر: خلود
خلود بهستيريه وهي تبكي: تكفى قول انه مامات قووووول
ناصر: حياتي هدي روحك لاتنفعلين...الله بيعوضنا
خلود: انت السبب...انت السبب اكرهك
دخلت الممرضه وراحت لعند خلود تهديها
الممرضه: ممكن اخوي تطلع بره شوي بس
طلع وجلس عالكرسي ورجله ترجف.....
استاهل انا السبب المفروض مااسوي اللي سويته...والله حرام علي اللي سويته بهالمسكينه...
شسوي الحين...مالي الا ارجع البيت ولما تهدء امرها.....

...........................

كانت لازالت جالسه مع ريناد في بيت خالتها...
ام محمد: شوق يمه...وين اخوك تأخر
شوق: الحين ادق عليه
ريناد: اقول شوشو
شوق: هلا
ريناد: نامي في بيتنا الليله
شوق: انا مالي خص قولي لامي
قامت ريناد وجلست جنب ام محمد
ريناد: اقول خالتي
ام محمد: هلا يمه
ريناد: شرايك تنام معاي شوق الليله
ام محمد: لامايصير حبيبتي
ريناد: علشاني خالتي لاتردين لي هالطلب
ام محمد: يلا علشانك بس
شوق: هيييييه تحيا امي
جات ام مازن ومعاها حور من المطبخ وانضموا لهم.....
ام محمد: انتي دقيتي لاخوك
شوق: اوووه نسيت
ام محمد بعصبيه: يلا دقي عليه ايش تنتظرين انا اذا صار لي شئ كله منك...
شوق: انزين يمه لاتزفين
دقت اول مره مارد المره ثانيه رفعه من اول رنه........
محمد: هلا شوق
شوق: انت وينك ورا ماترفعه زهقتنا اوووف منك
محمد: تبين شئ؟
شوق: امي تقولك تعال رجعها البيت
محمد: ليه وانتي مابترجعين؟
شوق: بنام في بيت عمي الليله
محمد: شوشو حبيبتي انا الحين مع هبه اووكي
شوق: يعني؟
محمد: شوفوا لكم حد غيري باي
شوق: هيه انت تعال.....
سكر بوجهها
شوق: شفتي كيف يمه ولدك سكر الخط بوجهي
ريناد: هههههههه
شوق: أي اضحكي انتي
شالت شوق مكسرات وحطتها بفم ريناد حتى تسكت
ام محمد: شقال لك؟
شوق: يقول مع هبه شوفوا لكم حد غيره
ام مازن: هذول وين راحوا موكأنهم تأخروا
حور: يووه خالتي خليهم يتونسون
ام محمد: اييييه الله يوفقهم
ام مازن: امين وعقبال شوق وريناد
شوق: امييييييين يارب العالمين
ماحست الا بأمها راميه عليها علبه المناديل بوجهها
شوق: ايييييييييي يعور
ام محمد: استحي على وجهك فضحتيني
حور: ههههههههههه خليها يمه تعبر عن شعورها
شوق: انتوا ابدا ماعندكم حريه التعبير عن الرأي
دخل بهالوقت بشار وماهر ومازن وانضموا لهم....
ام مازن: هلا بالشباب
ماهر: هلا فيك ام مازن شلونك عساك بخير
ام مازن: تمام الحمدلله
لفت شوق لريناد وكلمتها بأذنها
شوق: فديييييته بشار طالع قمر مع اللوك الجديد مااقدر كذا بموووت
ريناد: هههههههههه مو احلى من...
قاطعتها: من مزين؟؟ واااع ايش جاب لجاب
ريناد: اسكتي يالدبه
ام محمد: اقول يمه ماهر
ماهر: هلا والله
ام محمد: ماودي اكلف عليك بس محمد مشغول مايقدر يرجعني البيت
بشار: افااااااااا يالغاليه افا يمممه ليش هالكلام
ماهر: اقول هي كلمتني ماكلمتك
قام ماهر وجلس جنب ام محمد اللي يعتبرها مثل امه بالضبط وباس يدها
ماهر: يمه كلي لك كم بدريه عندنا الا وحده
ام محمد: ههههههه الله يسلمك ياولدي
قام بشار وجلس جنبها من الناحيه الثانيه
بشار: بس هو ولدك يعني وانا؟
ام محمد: انت وماهر وريناد والله مثل عيالي واعز واحبكم مثل مااحبهم
بشار: ايييه كذا حلوووه
ام محمد: من ساعه مو حلوه يعني؟
بشار: ههههههههه الصراحه لا بس تدلعين زوج بنتك وانا لي الله ماحد معبرني
ام محمد وهي تحط يدها على ظهره: انت بعد ولدي وحبيبي وادلعك
شوق: احمممم احمممم وانا يممممه مالي في الطيب نصيب
بشار: تكلمت سيده ملعقه
شوق: نعم؟ شقلت؟
ام محمد: انتوا تشوفوني ليل نهار بس ماهر وبشار وين مساكين مااشوف الا بالاسبوع مره
حور: يمه ترى بديت اغار
ام محمد: يوووه جننتوني
ماهر: هههههههه هذي طماعه من يومها مو كافيك انا
حور: افا عليك يالغالي....الا مكفيني
ماهر: أي حسبالي بعد....يلا خالتي مشينا
ام مازن: اجلسوا معانا شوي وين رايحين
ماهر: خلاص خالتي بنروح تأخر الوقت مشكوره على هالعشاء الرهيب
ام مازن: هني وعافيه ان شاء الله
ماهر: الله يعافيك.....هاااااااا اخونا مزييين الوووو
مازن: ها
ماهر: لامنت معانا وين رحت؟
مازن: ايش هاللقافه ..
ماهر: زين يالخاين بوريك.....يلا بشار بتقوم ولا بتجلس مع الحلايه هذا
مازن: حلايه بعينك...
ريناد: لا لا كل شئ ولا اخوي ماهر لااحد يغلط عليه
طالعها مازن بنص عين.....
بشار:انا بجلس شوي انت اذلف وفارق واحنا بألف خير
ماهر: هيييين ياالاصلع في البيت اوريك...مو تتأخر
بشار: ماراح اتأخر جاي وراكم.....
ماهر: طيب فمان الله
حور: مع السلامه خالتي نردها لك ان شاء الله
ام مازن: على خير ان شاء الله....
ام محمد: يلا مع السلامه
ام مازن: الله يسلمكم

يتبع



الله الله في الردور

ههههههههههههههههه توني انتبه

وبعدين بتقعدينلي عالحبه



وبعدين وشو وحده منهم بلا فضايح



ياحبيلك نورتي والله